سيما - اسكندرية - تدوين
الصديق النشيط بهظ بيه يقترح فكرة سينمائية سكندرية بلجاوية تحترم الصراحة
بيقول ان مدام فى حركة سينما مستقلة فى اسكندرية محدش دريان بيها فـ ليه متتحركش الصحافة المستقلة متمثلة فى البلوجات انها تكتب عن السينما دى و تنقدها و تعملها دعاية ...
الكلام جميل جدا و عاجبنى ولو انى شايف ان العروض تبقى مفتوحة لكل الناس ...مع التركيز على الناس اللى عندها مساحة تكتب فيها رأيها (البلوجرز او غيرهم)
و البداية هى فيلم جــــزر لمحمد صلاح ... انا لسة مشفتوش و سعيد بالعرض جدا
واضح كمان ان الموضوع بدأ يلاقى صدى هنا و هنا ... و طبعا مدونة كيس فشار مسكتتش
كل اللى يقدر يحضر يا جماعة ... عرض الفيلم هيكون انهاردة الاربعاء 2 مايو
الساعة 8 فى المركز الثقافى الالمانى
Posted by S H E B A K at 11:35 AM
4 Comments
البديهي يعني أن السينما اللي بتسموها مستقلة دي تتنيل تتنشر على النت عشان الجمهور يقدر يشوفها
و وقتها يبقى له معنى أن المدونين يكتبوا و ينقضوا.
مفيش مواطن نتاوي مشافش رجال لا تعرف المستحيل، أكيد يعني نقدر نستفيد من التجربة دي.
و لو الناس قلقانة على جودة الصورة أو معندهاش وقت تبذل المجهود المطلوب لرفع الأفلام قولوا و أحنا نساعد، لكن طول ما الفن محبوس في دين أم المراكز الثقافية و الجاليريهات يبقى انسوا
I've added a comment, was it deleted by mistake?
يعنى انا شايف ان اللى حاول يقترحه بهظ بيه على لسان شباك هو ان الناس تبتدى تتحرك وتشوف
وبدل ما نقعد ننقد فى كل شىء وخلاص نعمل حاجه ... يعنى بدل مانستنى اننا نشوف فى حد يطلب منا اننا نساعد الاحسن اننا نبتدى نتحرك ... وزى ما بيقولوا اللى عايز حاجه بيعملها
انا معترض على لغة حوار استاذ علاء جدا ... بصراحة لو ده مستوى الحوار يبقى فن ايه بقى
تحياتى لبهظ بيه ... والاستاذ شباك
Hello Shebak :-)
http://egyminerva.blogspot.com/
Post a Comment
« Home