هذة سيداتى انساتى سادتى هى نهاية عصر التلفزيون كما نعرفة ...

فى خلال السنتين اللى فاتوا تطور الانترنت بشكل مذهل (على الاقل بالنسبه لى) ...
كنت قبل ذلك اتصفح الشبكة و اقتنص المتاح (مزيكا, افلام...)
اما الان فكل شئ متاح ... و ده بيحطك قدام السؤال المحير دائما للجنس البشرى بشكل عام :
انت عايز ايه ؟
بالتدريج خلال السنتين دول انقطعت علاقتى بالتلفزيون تقريبا ..
فانا لا اجد اساسا الوقت الكافى لاتابع اطنان الاشياء المفيدة و المهمة و المسلية التى يوفرها الاترنت امامى كل ساعة
طبعا من كلامى ده حضرتك طلعت بنتيجة ... ايوة ... فعلا ... انا مدمن انترنت ... مش هنكر

احد الطف الحاجات اللى اتابعها مؤخرا على الشبكة العنكبوتية و تثبت فكرة ان الانترنت اصبح اكثر عملية حتى فى مجال البرامج التلفزيونية
برنامج تلفزيونى يذاع فقط على النت يقدمة اتنين مسخرة كدة بيقعدوا على كنبة فى اى حتة معاهم اتنين لاب توب و اتنين بيرة يتم استبدالهم باستمرار
و بيتكلموا على افضل صفحات الويب التى تم اقتراحها عن طريق موقع ديج digg خلال الاسبوع السابق

البرنامج يدعى diggnation و الاتنين انصاف السكرانين دول هما Kevin Rose المتحمس دائما لل(أبل apple ) و تطبيقاته
و Alex Albrecht مستخدم ويندوز (المضلل مثلى تماما ) , البرنامج ليس متخصص فى التكنولوجيا فقط , فالصفحات التى يناقشونها فى البرنامج
هى اختيارات كل مستخدمى الانترنت فى العالم بكل ميولهم
حتى الان تم عرض 94 حلقة من البرنامج و هو يلاقى نجاح منقطع النظير حتى انهم بدأوا يقدمون البرنامج امام جمهور (live) كما فى الحلقة 93 و هى حلقة ظريفة لكن لاانصح بمشاهدتها كاول تعارف لك بهم ...لانها مختلفة عن المود السائد للبرنامج
يصور البرنامج بكاميرا بسيطة مثبتة امامهم ..و لا يستخدم اى نوع من انواع الابهار او الاضاءة او الجرافيكس
و لا يخضع لاى رقابه من اى نوع فهو لا يذاع على التلفزيون اساسا ...
و اظن ده واضح من نوع المشروبات اللى فى اخر الحلقة احيانا بتكون عملت شغل

لتحميل الحلقات بالكامل ....اذهب هنا
لمشاهدة اجزاء من الحلقات على اليوتيوب بدون تحميل ... اذهب هنا