Wednesday, February 28, 2007

هل تستطيع ان تصنع فيلما فى 12 ساعة ؟

film racing
هى مسابقة تجوب مدن الولايات المتحدة الامريكية للبحث ان صناع السينما الهواة ليصنعوا افلامهم المستقلة بشرط ان تتم كل مراحل الصناعة من كتابة و تصوير حتى المونتاج فى خلال 12 ساعة فقط
بدأت الفكرة فى 2006 بمدينة نيويورك بصناعة 5 افلام قصيرة و تم التحكيم بينهم و اختيار افضلهم ... و تنتقل المسابقة بعد ذلك و فقا للجدول لبوسطن و منها الى مدن اخرى
الحقيقة الخمس افلام رغم تواضعهم الا انهم (لازم يتشافوا) ...

pills هو اكثرهم نضوجا و هو الحائز على جائزة الفيلم الاول و احسن ممثل و احسن ممثلة و احسن مخرج بالرغم من ان الموقع يكتب عنه انه صنع فى اسبوعين الا ان التترات تقول انه صنع فى 12 ساعة (حسب شروط المسابقة) !!!

Searching for Terry هو الفيلم الحاصل على المركز الرابع و جائزة الجمهور ... و هو احسن فيلم فى الخمسة افلام من وجهه نظرى .. فيه لغة صورة ظريفة

انا معجب بالفكرة جدا ... بالرغم من انها كمسابقة امريكية فهى تعتبر (لعب عيال) من حيث جوائزها الرمزية و نوعية الافلام البسيطة بها ...
لكن انا شايف اننا احنا هنا فى مصر : ليه منعملش كدة ؟
ليه منعملش يوم (بلاش 12 ساعة خليها 24 )و يتجمع 2 او 3 مجموعات يطلعوا افلام قصيرة ؟
مجرد فكرة ...



Labels: ,

Posted by S H E B A K at 12:56 PM



8 Comments

  1. Blogger ماشى الطريق posted at 3:13 PM  
    أنا مش شايف إنها صعبة والله يا عماد بالعكس دى ممكن تتطبق هنا فعلاً كويس لأن إحنا مشكلتنا هنا الكسل العظيم و التسويف و إنعدام النفس و المشكلات اللى إنت عارف كلها
    لكن لما يبقى فيه وقت محدد للأنتهاء من عمل ما أكيد العملية حيبقى فيها معدل الشغل أسرع
    هيا العملية طبعاً حتبقى محتاجة إمكانيات متوفرة
    بس الفكرة أنا مقتنع جداً بيها
  2. Blogger 4thH posted at 4:53 PM  
    فكره هايله
    ..بس انت قلتلي حادثه في القطار اتعمل في اد ايه ؟؟

    بس باحاول اقدر حيادية اللجنه

    ;) :P
  3. Anonymous Anonymous posted at 12:55 PM  
    that's an interesting idea !
    But is it possible? it will be very hard to do all that and present an interesting movie
  4. Blogger ahmed nabil posted at 3:21 PM  
    ana ma3ak
    0105075406
  5. Blogger بلال حســــنى posted at 3:21 AM  
    يعنى يا عماد العيال متألحين ع التجاريه كل يوم ومحدش فيهم فكر يعمل فيلم من سنه وجاى بيتقول ليه منعملش ده ف مصر ف 24 ساعه
    انت اكيد قصدك مش شباب وفتيات الاسكندريه
    لانهم كسلانييين بدرجه ممكن تسأل عليها عم محمد وعم عادل ف التجاريه والوطنيه
    على حد سواء
  6. Blogger Dust posted at 12:13 AM  
    قبل ما قريت البوست حبيت بس قول الجرافيك واااااااااو جدا رائع
  7. Blogger سجين فى قلب الوطن posted at 6:22 AM  
    أعتذر عن هذا التعليق مقدما

    أقتراح لقاء شهرى لمدونى الأسكندرية
    http://misryawey.blogspot.com/2007/03/blog-post.html
  8. Blogger 3aziz 3eni posted at 5:10 PM  
    انت عاوز الناس تقوم من مكاتبها وتفكر وتقترح وتكون لجان علشان البت واتخاذ القرار بعمل مهرجان او مسابقة علشان يشجعوا الشباب على تشغيل مخهم وابتكار شيء كويس والناس تقول ان فيه عندنا شباب زى الورد بتعرف تفكر وتبتكر وتعمل افلام حتى ولو ٢٤ ساعة
    ليه هو حصل ايه فى الدنيا انت مش من هنا ولا ايه
    يا سيدى سيب الحجات دى للدول اللى بتعرف تفكر ازاى تكتشف المواهب فى الشباب وتشجعهم وتديلهم امكانيات حتى ولو معنويا وخلينا هنا قابعين فى الاسفلت

Post a Comment

« Home