Sunday, December 17, 2006

لطيفة بـ(نص جو) سلمى

pic_45437062_latifa010




بعد اختفاء طويل يعود العبقرى زياد الرحبانى للنشاط , فى خلال الاسبوع الماضى امطرنى الانترنت بعدد من ظهورات زياد فهو هنا يكتب مقالات دورية لجريدة الاخبار *اللبنانية يتكلم بها عن السياسة بأسلوبة السريالى العظيم و هنا يعزف على البيانو بحفلة جاز لايف له بنادى جاز ببيروت (بالصوت و الصورة من مدونة bloggingbeirut)
و أخيرا صدور (بنص الجو ) اولى اغنيات ألبوم لطيفةالذى يشارك به زياد بالكتابة و التلحين (و المداخلات الغنائية بصوتة الغليظ كالعادة) , بعد الاستماع للاغنية كان تعليقى و تعليق جماعة مريدى زياد الرباعية :(فينك ياسلمى!!) , الاغنية زيادية جدا لكن صوت لطيفة(مع احترامى) غريب على الجو جدا فهى تحاول ان تطرب بينما الاغنية تحتاج فقط ... مش عارف ... سلمى !!!
حتى الان الموضوع عادى .. مفيش مشاكل .. تجربة ظريفة .. لكن بالصدفة وقع تحت ايدى موقع لطيفة ... صفحة الدخول تحمل صورة للطيفة مع المعلم :)
بالداخل خبر عن الاغنية ... ("بنص الجو" أغنية ضد ظلام الغرف.. والعقول!)و قد ايه الاغنية بتحارب شوية حاجات كتير كدة و بتساند حبة حاجات مش بطالة برضة !!! ...
مع انى محستش كدة خالص من الاغنية .. بس ماشى
الملفت بقى و اللى يخليك تشك فى اسباب تعاون لطيفة مع زياد .. ان الخبر مكتظ بمجموعة من الاسماء الشهيرة من الواضح ان لطيفة تتفشخر بهم( لانهم بيفهموا او تعتقد لطيفة انهم بيفهموا ) : زياد الرحبانى - يوسف شاهين - منصور رحباني - سعيد الماروق (مخرج الكليب!!)


المهم ..فوكك ... ايا كانت اسباب التعاون انا بشكر الظروف اللى سمحتلنا نشوف زياد بعد غياب
أستمع للاغنية و شاهد الكليب



powered by ODEO

تصحيح*

Labels:

Posted by S H E B A K at 12:08 PM



20 Comments

  1. Blogger hillz posted at 4:29 PM  
    تصحيح:
    جريدة الأخبار لبنانية
  2. Blogger S H E B A K posted at 4:42 PM  
    شكرا على الملحوظة ... تم التعديل :)
  3. Blogger Omar posted at 11:32 PM  
    ايه يا عمدة، انت مش شايف النيولوك اللي صارفة عليه دم قلبها، ومش عايزه يتعاون معاها؟ يا راجل ده كلام، لكل مرحلة ظروفها، وأكيد هو عنده رؤية مختلفة بخصوص المرحلة والشعب العنيد
  4. Blogger Sherif Nagib posted at 2:15 AM  
    سلمى أو أم كلثوم.. الأغنية خرا من كل النواحي، و أسوأها التصوير الذي أعتقد أنه أكثر أما أفسد الأغنية و جعلني أكرهها بهذا الشكل.. لأني لما فكرت مرّة ثانية قلت و الله الأغنية ربما لا تكون سيئة و كان ممكن الحال يكون غير لو كانت سلمى.. و الله مانا عارف يا شباك.. المشكلة إني قفلت من ناحيتها جداً و حسبي الله و نعم الوكيل في الإخراج المتخلف عقلياً لسعيد الماروق و الموديل الخرا السخيف اللي جايبينه معاهم يرقص و طبعاً ملكة السخافة و ثقل الظل و برطمان المسلي الهولندي الفنانة لطيفة.


    هذا رأيي الخاص و هو غير ملزم لأحد.
  5. Blogger Sherif Nagib posted at 2:20 AM  
    بالمناسبة الأغنية عن السكس الغير اعتيادي و ليست عشان ظلام العقول بقى.. الكلام واضح جداً يعني :)
    COME ON !!

    :) :)
  6. Anonymous Anonymous posted at 3:00 AM  
    قريت خبر مش عارفة صح ولا غلط ان زياد عمل اغنية بالمصرى للطيفة عن مصر !!مش عارفة صح و لا غلط و طبعا سعيد الماروق هايخرجها
    الاغنية صدمتنى اولا لطيفة اخرها ادينى فرصة تانية
    ثانيا الموديل اللى شريف عرف يوصفه صح
    نمرة تالت كلمات الاغنية سمعتها كذا مرة
    بس اشك يا شريف انها عن السكس الاعتيادى لانها بتقول انها طباعها شرقية و يروح يطلبها
    شباك دى اول مرة اعلق فى مدونتك الرائعة و نفسى تسجل موقعك لجمال تصميمه هو و موقع بنى زرياب
    فى
    css beauty : www.cssbeauty.com
    or
    css vault : cssvault.com
  7. Blogger Zengy posted at 1:56 PM  
    أيه الخرا ده

    أنا سمعت الأغنية مرة و مستحلمتش و قفلتها من أول ما لطيفة فتحت بقها

    و بعدين تحاملت علي نفسي و برضه مقدرتش أكمل

    دي أسوأ حاجة سمعتها من فترة مش بطالة
  8. Blogger The Great Pretender posted at 3:17 PM  
    الأغنية مش وحشة أوي كده,موضوع صوت اطيفة برضه أذواق.
    الأغنية ظريفة مش خرا أوي يعني و لازي ما أخونا زنجي قال أسوأ حاجةسمعها من فترة مش بطالة.
    صوت لطيفة يؤدي الغرض لكن سلمي كانت حتبقي أكثر إمتاعاً
  9. Blogger Solo posted at 8:11 PM  
    بصراحة يا شباك أنا مع
    The Great Pretender
    أنا مش مضايق م الاغنية أوى كده ... غير انى بحب صوت لطيفة و دى أذواق فلو الأغنية مش حلوة ليه اللوم يبقى على لطيفة لوحدها و كأنها شرّبت زياد حاجة أصفرة و خلته يكتب الأغنية و يلحنها
    الراجل دماغه توزن بلد و دوره ف الأغنية انه يبقى المسئول الأول عن أداء لطيفة سواء تطريب أو شقاوة زى سلمى
    الأغنية ظريفة نوعاً بمعزل عن الكليب اللى خرا فعلاً
  10. Blogger أحمــــــــدبــــــــــلال posted at 10:23 PM  
    أنا كمان حسيت أن الجو ده مش بتاع لطيفة
    الاغنية حلوة
    تصويرها فكرته لذيذة
    بس أنا مش حاسس انها لطيفة خالص
  11. Blogger AZ posted at 11:47 PM  
    مممم اختلف معاك يا شباك... انا بحب سلمى بس زياد مش سلمى ومبكرهش لطيفه.. والأغنيه عاجبانى على فكره.. اول مره اسمع صوت لطيفه وهى بتغنى.. منغير جعير ومنغير مزيكا مغطيه على صوتها.. انا شايفه ان زياد احسن واحد استغل صوت لطيفه وقدمها فى قالب نضيف.. انت بتتكلم زى مايكون زياد الرحبانى كبر وخرف والاغنيه دى ارهاصات التخريف.. انا الحقيقه مش شايفه كده.. انا بعد ماقريت البوست الصبح روحت سمعت الاغنيه تانى اول ماوصلت الشغل ومقدرش افهم فين الطرب اللى دخلته لطيفه.. اعتقد ان لطيفه عملت الىل زيد عايزه بالظبط وبصمه زياد واضحه جدا فى ادائها.. بجد انت محسسنى ان لطيفه سحرت لزياد عشنا يعملها أغنيه... يعنى زياد كان بيخلى فيروز تعيد سبعين الف مره وهى تكن من تكون.. تفتكر هيسيب لطيفه تتصرف على هواها وتطلع الاغنيه على غير مزاجه وينزل الاغنيه عشان يالله بقى امرنا لله ننزل الشريط والسلام!!!
    اعتقد نظرتك للأغنيه ممكن تختلف لو حيدت فكرك تجاه سلمى ولطيفه... وبما انى من مريدى زياد احب اعلن حمقتى الشديده عشان عيب اوى تقول زياد عبقرى بعدين تشب فى الاغنيه الىل هو عاملها
    ملحوظه: انا لسه ماشوفتش الكليب
  12. Blogger سامية posted at 2:57 PM  
    أنا حزينة... لأ بجد، الواحد عامل زي ما يكون بيدور على حاجة تعجبه في الغنوة عشان زياد اللي عاملها. لطيفة بصراحة مشكلتها الأساسية ان دمها يلطش! وزياد بيعمل النوع ده من الأغاني بخفة دم

    بس واضح انها كمان طبعت عليه لإن الغنوة نفسها-في رأيي- مافيهاش أي حاجة مميزة موسيقياً ولا حتى فكرتها دمها خفيف

    أنا حاعتبرها "لكل حصان كبوة".. يمكن لإني اتعودت من زياد على كل ما هو "غير عادي" فكونه يعمل غنوة "عادية" دي حاجة بالنسبة لي مش مفهومة
  13. Anonymous Anonymous posted at 7:04 AM  
    غنية زياد مع لطيفة حسب رايي مصممة عشان هيفاء وهبي وعروض الجنس بتاعت هيفاء
    زياد قبل شي سنتين طلع على التلفزيون وحكى "خلي الفن لاهل الفن الشرمطة لاهل الشرمطة" والغنيه مع الكليب كانت "شرمطة". ولطيفة مسكينة مع كل سيئاتها، كمان مش شاطرة في عروض الشرمطة
    شكله زياد يا جماعة الخير ما في معه فلوس . شو رايكم نعمل حملة تبرعات لزياد علشان يرجع يعمل فن ومش شرمطة؟؟؟
  14. Blogger hillz posted at 3:54 PM  
    غنية بنص الجو عادية، بل أقل من عادية تصل إلى حدود السخف مع استعمال الكليشيه (أطباعي شرقية ومدري شو). بدة كأغاني الهيت في الألبوم وأنا عادةً أفتش عمن الأغاني الغير مدعوم إعلامياً في أي ألبوم.

    القول الذي أوردته عن لسان زياد لس صحيحاً وقد نفاه في أكثر من مرة.

    لم أفهم أين الشرمطة في الأغنية أو في الكليب. كليب خرائي نعم، بس شرمطة؟.
  15. Anonymous Anonymous posted at 8:21 PM  
    عن نفسي لم أكن سعيداً برؤية زياد الرحباني ، ولا بالجو!

    ومعزتي للحنجرجي الكبير زياد الرحباني لا تقل عن معزتي لقريبه إلياس الرحباني (بعتذر منك حبيبي .. الله معك)!

    أنا كنت أقترح إنه يظهر بوبي حلو في الأغنية ، وإن اسمها يبقى "بنصف الهو" .. علشان تتفهم!

    أغنيتها الفرانكوجزائرية كانت أفضل بكثير..

    ورغم اتفاقي مع صديقي شريف نجيب على أن الكليب "عك" .. إلا أنه أقل بشاعة من كليبات طوني أبو الياس والسيدة حرمه اللي بيبقى فيهم المطرب واكل الشاشة ، وتحس "بالرزالة" الفاقعة في كادرات الكوبلز وهمة بيخرجوا لنوال الزغبي أو للباشمهندز وائل كفوري!
  16. Blogger Sarah ElTobgy posted at 5:28 AM  
    It must be too late to write my comment now.. but when i found it was about Salma and Ziad i couldn't resist the temptation to write... Awalan heya el moshkela fe3lan fi lateefa el la7n mesh we7esh .. ana gali shock 3asaby when i heard Latifa singing.. Mesh 3ashan ana bakrah ommaha but probably because she is taking singing with Ziad seriously shwaya... Salma understood Ziad.. and Fairouz made Ziad.. therefore we belived both .. 7atta when Ziad himself sang "bala wala shee" raghm en sooto mesh a7la kteer mn soot 3emad met3eb fi matcho el akheer ella enno kan VERY touching.. i adore this song aslan.. Ama 3an salma fa ana 3andi obsession beeha w mayenfa3sh aslan moqarnetha b 7ad! w rabena m3aaha Lateefa ba2a.. 3omoman ana orage7 el ra2y elli sme3to aktar mn marra en Ziad maznoo2 fi ershein.. weno byesref folooso 3ala 3lag ommo...yalla .. donia ghaddara :D
  17. Blogger ohbebo posted at 1:05 AM  
    واحد صاحبي قالى انه يعرف حد بيشتغل مع زياد فى نفس الاستوديو
    بيقول ان زياد تعاون مع لطيفه لاسباب ماديه نحت
    وبصراحه انا الاغانى عجبتنى جدا لكنها مش جديده على زياد نفس التيمه
  18. Anonymous Anonymous posted at 12:27 PM  
    لطيفة سقطت لما تعاملت مع هالاشكال الخرا
  19. Anonymous Anonymous posted at 2:50 PM  
    مش عارف لية الناس حاطيين لطيفة بدماغهم يعني بدل ما نهاجم الفن الردئ و فنانات السيليكون جايين ع لطيفة ممكن نتفق او نختلف معاها و لكن ملاحظ انو ناس كتار خطوا حدود النقد و صار التجريح لمجرد اهانة لطيفة و سلخ اغنية بنص الجو التي تاتي مختلفة في الكلام و اللحن مش اللي اعتدناة انا بحبك و وحشاني و الكلام دة و بدل ما نهاجم اللي بيسرق و ينسخ الموسيقي عم نحكي عن لطيفة طب يا ريت نسمع الالبوم ككل و نحكم يعني اول مرة اشوف في البوم عربي فكرة انترو و اوترو من خلال اغنيتين علي شكل قصة جميلة تنتهي باغنية معلومات اكيدة و تبدي ب معلومات مش اكيدة او امنلي بيت الاغنية التي لا تستطيع ان تتوقف عن سمعاها مرات و مرات كفوا عن مهاجمة لطيفة و لماذل لا نهاجم مطربات السيلكون اللي ما بيقدروا ياخدو نفسهم ع المسرح بسبب عمليات التجميل و التكبير و النفخ!!! عماد
  20. Anonymous Anonymous posted at 3:23 PM  
    يعنى هو لما لطيفه تقدم فن جيد ومحترم نهاجمها واما غيرها يعمل عمل رديئ نشكره
    البوم لطيفه محقق اعلى ايرادات ونجح نجاح ساحق
    والالبوم مستواه راقى
    اما كل اللى تكلم عن لطيفه كلام سيئ دول شويه بهايم وحمير واحسن لهم يعيشو فى زريبه
    سامح شوقى

Post a Comment

« Home