فى بدايه تعرفى على نوع مسلسلات الsituation comedy) sitcom) كنت مش طايق فكرة انى اتفرج على مسلسل فى اصوات ناس عماله تضحك بطريقة هيستيريه طول المسلسل و كنت بعتبر ان ده انتقاص من دورى كمشاهد ... انا اللى المفروض اضحك على اللى بيقولوه مش همه يضحكوا فا خد بالى و اضحك معاهم ...
لكن جت فترة كده و تناسيت موضوع الضحك ده و تابعت FRIENDS لفترة ... الى ان اكتشفت مسلسل Seinfeld اللى كان اقوى بمراحل .. و ده بقى اللى اصبح ادمان لحد ما توقفت MBC2 عن عرضة... ثم ظهر الDSL فى حياتى و بدأت مرحله تجميع مواسمه الكامله

المسلسل بيعرض المواقف و المفارقات اللى بيتعرضلها Jerry Seinfeld فى حياته اليوميه فى نيويورك هو و اصدقائة و جيرانه .. بس كده .. مفيش قصه .. حوار ممتع و سخريه بشعة من اى شئ فى الدنيا.. و احيانا حوار تافه جدا ( حول الفكرة الفلسفيه لطبق السلطه حجم كبير مثلا.. و اسباب انتشار فى المطاعم و البعد الاجتماعى اللى وراء اهدائه لصديق ) ..تحس ان فعلا ده الحوار اللى ممكن يدور بينك و بين اصدقائك على القهوة بظبط .. ممكن تلاقى مشهد كامل للاصدقاء جيرى و جورج و ألين قاعدين فى كافتيريا و بيتكلموا فى تلات مواضيع مختلفة تماما فى وقت واحد .. بس مفيش مشاكل انت مستمتع جدا

فى اخر حلقات الموسم الرابع يدور حوار مابين جيرى و جورج حول المسلسل الذى يريد جيرى ان يعرضه على شركة NBC (الشركة المنتجه فعلا للمسلسل) .. فيقترح جورج ان تكون فكرة المسلسل عن (لاشئ ) !!! .. ابطاله هم جيرى و جورج و الين و كريمر و بدون قصه تماما... The Show Is About NOTHING ..

المسلسل عبارة عن 180 حلقة تم عرضهم فى الفترة ما بين 1989و 1998 يعنى فترة التسعينات كلها تقريبا .. تابع بقى كده فى المسلسل تطور موضه الهدوم و الشعر فى الفترة دى .. اصلا كانت كوميديه جدا .. و خصوصا تسريحة ألين .. :)


Jerry Seinfeld
جيرى هو شخص متفائل نوعا.. يعمل كـ stand-up comedian و يقدم حفلات فى جميع انحاء امريكا و هو محور الحلقات و هو الشخص الوحيد اللى عندة و ظيفة و دخل ثابت بالمقارنه باصدقائة .. هو شخص ساخر جدا .. بيسخر من اى شئ و اى شخص .. تبدأ الحلقات غالبا به واقفا على خشبه المسرح يلقى نكاته الساخرة .. يدخل فى علاقات عاطفيه كثيرة لكنها تنتهى من طرفة بسبب اسباب عبيطه غالبا

فى احد الحلقات يبدا جيرى الحلقة بهذة النكته :
ولاء الناس لأحد الفرق الرياضيه هو غير مبرر تماما ...لان الاعبين ديما بيتغيروا و الفرق تنقل لمدن اخرى ... اذا فانت ولائك الحقيقى للملابس .. انت تهلل و تشجع الملابس .. المشجعون يتحمسون للاعب و يحبونه ... لكنه اذا انتقل لفريق اخر ... (أخص) ...هو نفس البنى ادم لكن بقميص مختلف ... نحن نكرهه ... (يـــع) ... قميص مختلف ... ( اخص !!) .... :)


George Costanza

جورج هو صديق جيرى المقرب منذ الطفوله .. هو شخص اصلع و يعانى من كم مشاكل نفسيه لا نهائى ..( لازم هتلاقى احد عقدك النفسيه فى البنى ادم ده و بشكل اوفر ) ... هو شخص قليل الثقة بنفسه و احيانا نرجسى جدا ... مريض بالكذب .. بخيل جدا .. انانى .. تنتابه حالات عصبيه غير مبررة .. تنتهى علاقاته العاطفية غالبا بموقف محرج يحدث له او يقول شئ خاطئ تماما يجعل صديقته تهجره .. و يعتبر ان كل هذة العلاقات الفاشله تجعل منه خبيرا فى العلاقات العاطفيه .. لهذا فهو المستشار الدائم لجيرى فى هذة المسأله...اللى بيوديه ديما فى داهيه :) فى احد الحلقات يذهب جورج لمقابله شخصية ليحصل على وظيفة...فتسأله المديرة هل كنت تعمل من قبل؟ .... فيكذب و يقول لها نعم ... و يخترع مكان عمل و همى و يعطيها نمرة جيرى كتليفون هذا المكان ... ثم يخرج من عندها مسرعا لهاتف فى الشارع فيجد به شاب بحقيبه فيخرجة بعنف و يلقى بحقيبته للخارج ليحاول ان يكلم جيرى قبل ان تتصل به المديرة ... لكن فى نفس الوقت يكون كريمر يتحدث فى هاتف جيرى و يلاحظ الwaiting فيرد على جورج و يقول له : اهلا جورج .. معابا تليفون مهم .. اتكلم بعدين ...و يغلق السماعة ... ينهار جورج و يقرر ان يذهب مسرعا الى جيرى .. لكن الشاب الذى طرده من الكابينه كان قد احضر له ضابط يظهر بعد ذلك جورج (بشعر منكوش و هدوم ممزقه) عند جيرى و يطلب منه ان يساعده فى كذبته و يمثل صاحب شركه ... يستنكر جيرى لفترة ان يكون جورج موظف عنده فى شركته الوهميه ثم يوافق اخيرا ... يدخل جورج الحمام .. يأتى كريمر ثانيا و يجلس بجوار الهاتف .. و يخرج جيرى ... يرن التليفون ... فيرد كريمر : الو .. شركة كذا ؟! ... لا لا النمرة غلط . ... يخرج جورج مسرعا من الحمام ( بشورت داخلى و بنطلون واقع ) .. لكن يكون كريمر قد أغلق السماعة .... ينزلق جورج و ينهار ... يدخل جيرى فيجدة يسرواله الداخلى و ملقى على الارض فيقول له : عشان كده ماكنتش عايز اشغلك عندى

Elaine Benes
كانت على علاقة بجيرى ثم انتهى الامر الى انهم اصدقاء فقط .. هى شخصيه طيبه جدا تدخل فى علاقات عاطفيه خاطئه دائما .. و تعمل كسكيرتيرة ل Mr. Pitt الذى يستغلها كخادمه احيانا .. تشترى له الجوراب و ادواته الرياضيه
فى احد الحلقات تدخل فى علاقة مع شخص عمرة 66 عام !! .. و عندما تقرر ان تنهى العلاقة تلجأ لجيرى لتسأله ان كان من الجائز ان تنهيها عبر التليفون .. فيسألها كم مره قابلتيه .. فتجيب: سته .. فيعترض جيرى بشده على استخدام التليفون فى انهاء هذة العلاقة لانها قابلته اكثر من خمس مرات و هذا يجعلها مضطرة لإنهائها و جها لوجه .. فتنزل لتقابل الرجل لكنها قبل ان تتكلم معة يغمى عليه و تأتى به الى منزل جيرى و يتدخل بالطبع كريمر و يقرر ان هذا الرجل محتاج لسكر و يحشى فمه بالبسكويت و ينصرف ثم يطلبوا له الاسعاف ... و ينتهى الموقف انها تذهب له يوميا فى منزله و هو مشلول لتطعمة و تقراء له حتى ينام ... ثم تستغل الموقف و تخبرة و هو غير قادر على الكلام .. و تكتشف بعد ان تعافى انه كان يستغلها لينام معها فقط

Cosmo Kramer
كريمر هو جار جيرى ... شخص بوهيمى .. سطحى جدا و غبى احيانا ... نكرة .. لكنه طيب و يحب مساعدة الغير .. يدخل شقه جيرى فى اى و قت دون ان يطرق الباب ..( عنده دخله مبتكرة جدا لشقة جيرى يستخدمها دائما ) .. يستلف كل ادواته من جيرى و يستخدم تليفونه دائما ... عدوانى جدا مع من ياخذ حقه او يهينه
و رغم ان ذكاء كريمر محدود جدا الا انه شخص خيالى جدا و يشعر احيانا انه يملك افكار و ابتكارات من شأنها اسعاد البشرية مثل :
- ابتكار كلونيا برائحة البحر: بعد ان عاد من الشاطئ و اكتشف ان رائحتة ظريفة جدا و قرر انه لن يستحم حتى يحتفظ بها ... و قابل بالفعل المسئول فى Calvin Klein لكنه اقنعة ان الفكرة ليست جيدة .. لكن بعد فترة اكتشف كريمر ان الشركه انتجت عطرة بالفعل باسم Ocean
- ابتكار شداده صدر للرجال : فى البدايه صنعها ليساعد والد جورج ليحمل صدره المترهل.. ثم اكتشف انها قد تكون مفيده للجميع !!

Posted by S H E B A K at 4:31 PM