Wednesday, May 24, 2006

*نشكر الله عنا بيانو


بناء على سؤال العزيزة غاده هانم سامحونى

دى شويه حاجات ممكن تخلينى مبسوط :


- مشاهدة Forrest Gump او you've got mail أو The Shawshank Redemption للمرة ال 456655

- مشاركه صديق غناء اغنية جيدة بصوت عال فى الشارع

- قطعة مونتاج ملعوبة فى فيلم (سواء اشاهدها او انفذها )

- ابتسامة طفل لما اغلس عليه.. و يمشى رأيه ..و يحس بالانتصار

- أفتكاس النظريات و التحليلات التى لا تمت للواقع بصلة و اقناع الاخرون بها .. و الدخول فى جدال حولها مع اننا عرفين انها (كلام فاضى )


- اكله متوحشه مع الاصدقاء متبوعة بقزازة بيبسى .. ثم حاله من الغباوة المفرطة

- لما اقنع حد بان برج الجوزاء جامد و كل مواليده من العباقرة .. زيى كده

- رائحه المطبوعات الورقية و رائحه يود البحر

- لما اقضى يوم مع نفسى و اتوقع انه هايكون بايخ و يطلع جامد

- حفلة مزيكا جاز لايف

- اللون البرتقالى

- التى شيرتات المخططه بالعرض

- البن المحترم .. الجبنة المحترمة .. الشيكولاتة المحترمة

- لما يختارنى صديق عشان يحكيلى على مشكله و اكون مفيد

- نكته منزلية كانت على لسان ابويا و خطفتها منه

- تذكر ابتسامتها .. خجلها .. التماسها الاعذار لاخطائى .. رغم مرور سنة و ثلاثة اشهر

- محاولات اظهار الامتنان من معاق ذهنيا ساعدته بشكل ما

- الاستماع لألبوم مزيكا كنت بحبة زمان و كان ضايع

- البلوج و البلوجرز و ديزاين البلوجات و التعليقات الظريفة .. و شباك

- تجميع البنى ادمين دول فى سهرة واحدة : جمالون , طلعت المصرى , جيفارا , بيانيست , سولو , زرياب , the great pretender, Ram Rocky , جار القمر .. و أخرون
(مع انه ماحصلش قبل كده بس اعتقد هايكون جامد)

اللى فيهم ما جاوبش على الاسئله دى يتفضل يجاوب

*العنوان من اغنيه لزياد

Posted by S H E B A K at 12:37 PM



6 Comments

  1. Blogger zordeak posted at 1:29 AM  
    حاجات جامدة فعلا
    بلوج جامد
    اهنيك
  2. Blogger zar posted at 2:13 AM  
    نحلم سوا ، نشرب بيبسي سوا ، بعد الاكله الجامده ، نتجمع سوا ، انت ميه ميه ، سيبك انت من ام الهتافات الجديره بالاحترام وتعالي اشرب معانا دبوس حشيش ، تمام ، سلام
    اقراها علي لحن الاغنيه اللي انتي حاططها نحلم سوا
  3. Blogger sha3'af posted at 7:10 PM  
    الله يجازيك
    ده انت طلعت اكتشاف
    - ده تعليق على مروري هنا عامة وعلى الكتابه اللي هنا كلها-
    خصوصا تحليلك للفيلم تحت .. وعلى فكرة مواليد برج العذراء فعلا مالهمش حل
    لان صديقتي م البرج ده
  4. Blogger Amani posted at 9:53 PM  
    طبعا مواليد برجج الجوزاء جامدين قوي;-)بس مش انت بتقول انك طلعت من برج الثور؟!
    بس ممكن سؤال؟
    هل يعني افتكاسات يعني فشل مثلا؟
    ربما تستغرب سؤالي ولكن بالرغم من اني اجيد اللهجة المصرية الا اني اتعرض لبعض المطبات في بعض المدونات الجميلة:-)
  5. Blogger caramel posted at 10:28 AM  
    بص يا سيدي ... أنت شكلك من الناس الس بتعمل ستوب كدر .. في الحكي بس جمبل جدا .. أحب كدة جدا .. و عارف فكرة تجميع البلوجرز الجامديييييين جدا جدا مع بعبض في مكان واحد فكرة أرفعلك عليها القبعة

    اما حفلة الجاز لو تعرف معاد واحدة قريب قولي وحياة أبوك بس تكون في أسكندرية ... بلوج هايل

    شيماء حامد

    www.alexismain.jeeran.com
  6. Anonymous Anonymous posted at 11:03 AM  
    يا باشا
    يا فنانا العبقري
    ممكن أخد رأي حضرتك في الكليب بتاعي ده :
    http://www.taherart.com/soora.html
    ؟؟

Post a Comment

« Home