Tuesday, April 25, 2006

ما تدقش





يمكن اكرة فكرة ان فى ناس فاهمين انى شخص (نصف موهوب ) ضل الطريق .. و بقى (أرزوقى ) .... لكن يمكن تكون دى الحقيقة
______

رجعت أستخدم نفس الجيل و الاسبراى اللى كنت بستخدمهم من فترة .. و كل ما انزل الشارع أحس انى رايح أقابلها تانى
______

بكرة بيكبروا الولاد وبيخففوا تدريجياً الكاتشب. فحاج تخوتي عليهن وتسفقي فيهون يا ماما .. زياد رحبانى

______

احيانا بتمر الذكرى السنوية للاحداث المؤسفة فى حياتك من غير ما تحصل فيها (حاجة) .. و ده بيخلييك تشك ان دى كانت احداث مؤسفة اصلا ... او انك اتلعنت بالتكرار للابد و مش هايحصل ابدا ( حاجة )..

.



Posted by S H E B A K at 5:14 PM



13 Comments

  1. Blogger anosh posted at 6:08 PM  
    قد ايه جميل التصميم الاخير رائع استمر الي الاجمل
  2. Blogger RAT posted at 10:21 PM  
    اذا نصف موهوب و هيك, شو خليت لو كنت موهوب كامل؟
    ممتاز رسم العبارة
  3. Blogger فنجان قهوة posted at 2:41 AM  
    ده مش كلام واحد نص موهوب زى مانت بتقول
    وبعدين ايه نص موهوب دى؟
    بتفكرنى بفارم فريتس .. بطاطس نص مقلية
    مافيش موهوب و فيه نص موهوب
    مافيش حد زى التانى
    بس فيه واحد بيعرف يجتهد أكتر..و بيحاول يعرف نفسه و مداخل إحساسه أكتر عشان يركز فى عمله الابداعى ويطلع فيه أصالة أكتر
    طالما فيه ولو بذرة موهبة يبقه ممكن تكبر الى مالا حدود
    لكن لو مش موجودة من أصله يبقى لو عملت ايه عمرك ما هاتبدع
    ولكل مجتهد نصيب .. المهم تبقى نفسك فى كل الاحوال سواء موهوب أو مش موهوب
    وأنا باعتقد ان ممكن تكون فاكر انك موهوب فى حاجة و تبذل فيها مجهود جبار و ماتحسش انك متميز فيها مع انك لو دورت جوا نفسك كويس ممكن تلاقى موهبتك دى موجودة فى حاجة تانية خالص و بتطلع مميزة و جميلة جدا بدون أدنى مجهود زيادة
    أنا طولت أوى معلش
    بس الكلمة استفزتنى جدا
    لامؤاخذة
  4. Blogger Pianist posted at 2:53 PM  
    ياباشا دي الموهبة اسمها عماد شباك
    بس ايه بكرة بيكبروا الولاد وبيخففوا الكاتشب تدريجيا دي
    صباح زياد يعني
  5. Blogger halawes posted at 5:36 PM  
    الصورة الاولانية سيئة بس الكلام محترم فيها ايه الخلقه المشفره ديه "مع حفظ الالقاب " الصورة التانية بتدل انك بتفهم وبتحس كمان - جميل جداً بس ايه هيه الذكري السنوية! كنت قلتها يمكن نشاركك الاحزان-او الافراح
  6. Blogger Aladdin posted at 9:59 PM  
    ربنا يفتح ضلف شبابيكك كمان وكمان قادر يا كريم!!
  7. Blogger hillz posted at 10:20 AM  
    رجعت أستخدم نفس الجيل و الاسبراى اللى كنت بستخدمهم من فترة .. و كل ما انزل الشارع أحس انى رايح أقابلها تانى


    بتعرف شو؟ احلى شي أنك تلاحظ التفاصيل الصغيرة لأن مش مين ما كان بلاحظ هالتفاصيل..
    بس انتبه هالمتعة ممكن تتحول لهوس بعدين.. عم حذرك!
    :P
  8. Blogger mindonna posted at 10:47 PM  
    حلو أوي الشغل ف الصورتين
    :)
  9. Blogger Ghada posted at 7:43 AM  
    ماشي، مش هدق..... وازيك كده؟
  10. Blogger basimaa posted at 7:35 PM  
    i ask for the copy right to put ur last work at my graduation project presentaion

    aslaha gamda moot we ly2a 3ala el psychoanalysis

    begad gamda gedn...
  11. Blogger S H E B A K posted at 2:42 PM  
    anosh
    شكرا و بلغى تحياتى للافندى

    rat
    سؤال محرج ..بس اكييد فى حاجات احسن تتعمل.. شكرا على الدعم

    فنجان قهوة
    انا معاكى ان الكلمة مستفزة لكنها مستخدمة على فكرة .. انا سمعتها قبل كدة .. و تعنى الناس اللى عندهم ومهبة حولوها لحرفة و مش بيطوروا من نفسهم .. على العموم دول كانوا كلمتين بفضفض بيهم

    pianist
    ايوة .. ايوة
    :-P

    halawes
    ....!!!

    aladdin
    ايه يا عم الهوا اللى جبتة ده .. اقفل شوية يا عم .. انا لابس نص كم يا اخى
    :-)

    hilal
    الهوس شغال من فترة اصلا يا فندم

    midonna
    احنا تملى شغلنا نضيف لا مؤاخذة
    :-)

    ghada
    هى دى الروح المطلوبة ... انا تمام .. انتى كيفك بقى؟

    basimaa
    ly2a 3ala el psychoanalysis ?!
    احم..انا هعتبر ده مدح
    يا ستى خدى الكوبى رايت بتاع اى شئ اصلا عيب عليكى تسألى .. هاتى شنطة اعبيهالك صور هبلة
    :-)
  12. Blogger GAMA-lone posted at 2:16 AM  
    يا سلااااااام...
    shebback strikes again
    الصورة جامدة و اختيار الجمل كلها جامد... اما الصورة الاخرانية فهي فعلاً قوية و خاصة لو انت اللي راسمها , مش طابقها من حد...
    انت مش واخد بالك انك اخضريت شوية؟
  13. Blogger S H E B A K posted at 3:05 AM  
    ايوة يا عم انا اللى راسمها ..
    بالنسبة للاخضرار فده شوية تمرد على البرتقانى و فى نفس الوقت تعبير عن المرحلة المزدهرة المخضرة اللى بمر بها على المستوى النفسى ... هيهيهيهيهيهيي
    ما تدقش دانا بفسى بس
    :-P

Post a Comment

« Home