Tuesday, February 14, 2006

مشهد من سيناريو تقليدى جدا


.
رجل محترم وقور يجلس امام المقود : ايه الورد و البلونات و الزيطة دى ؟؟
القى نظرة على الشارع من نافذة التاكسى , ورود فعلا و بلونات حمراء على شكل قلوب سخيفة (بالمناسبة لا تشبة باى حال التشريح الحقيقى للقلب)
اااااه ه ه .... 14-2 ... ايوة ايوة ... عيد المدعو سى فالنتين ( اتذكر .. كما لو كان هذا اليوم لا يحمل اى ذكريات )
- ايوة يا حج... ما ده عيد الحب ( باسلوب : عيد الزفت يا سيدى !!)
السائق : .... ( لفظ قبيح يستعملة بمعنى : نعم يا خويا ؟ ) ... عيد اييييه ؟ .... الحب ؟ ... (و اعادة لنفس اللفظ كنهاية منطقية للجملة ) !!
ينظر لسيدة فى عقدها الخامس تحمل قلب اسفنجى ضخم ... يضحك ضحكة جعلتنى انهار من الضحك ( لا اعلم ان كنت ضحكت من ضحكتة ام من منظر السيدة التى تحمل هذا الشئ الذى يفوق اتساع ذراعيها )
يبدا فى غناء ...
اغنية أم كلثوم الشهيرة التى نجحت ( الست ) فيها و بمنتهى البراعة ان تعطى مفهوم للحب ( الغائب عن عقول السفهاء )
- حب اييييه اللى انت جاى تقول علية ......؟
- انت عارف قبلا ( و تنطق : أبله او أبلى ) معنى الحب اييه ؟
اندمج فى الغناء طول الطريق ... مكررا المقطعين يفصلهما بعضا من الاقوال المأثورة مثل : هو فى حب بعد الست ؟ ... أو بص البت دى لابسة ايه ؟ ( مصة شفايف مثل التى تسبق القاء الامثال الشعبية )
- حب اييييه اللى انت جاى تقول علية ......؟
اشاركة الغناء : حب ايييه .......
اللى انت جاى .......
تقول عليه ؟ ...... ؟؟؟
حب ايييه ؟؟؟؟ ..... حب اااه
السائق : انت عارف قبلا معنى الحب اييه ؟
نستمر فى الغناء , يستمتع هو بكلمات الاغنية الخالدة بينما اردد انا التوزيع المبتكر لـ (اللمبى )


.


Posted by S H E B A K at 1:15 PM



11 Comments

  1. Blogger Pianist posted at 1:31 PM  
    حمدالله ع السلامة يا معلم
    اخيرا الواحد يلاقي حد يقراله
  2. Blogger Sala7ef posted at 2:37 PM  
    و الله ليك وحشة و اي حاجة حتقولها بعد الغيبة دي هتبقي جامدة... بس الموضوع دة جامد فعلاً و بالذات العنوان و القفلة ...
  3. Blogger Zeryab posted at 7:53 PM  
    أتضامن مع السواق مع التاكس ومع اللمبى ومع الست أم كلثوم ..مادام رجعوك تانى ..اللى شفته قبل ما تشوقك عينية ..هزيها بالراحة ..بالراحة ..هذا على ماأـذكر أغنية الست فاطمة عيد الشهيرة
  4. Blogger Unknown posted at 11:10 AM  
    يا سيدى حمدلله على السلامه
    ايييييه الغيبه الطويله دى
    اتضامن مع زرياب فى التضامن مع كل اللى رجعوك تانى
  5. Blogger Guevara posted at 3:10 PM  
    أسخف يوم في السنة يوم أربعتاشر فبراير ده

    ألا مين فلانتاين ده صحيح؟

    ويلكوم باك يا شباك
  6. Anonymous Anonymous posted at 11:28 PM  
    nice new look,nice color.Basima
  7. Blogger S H E B A K posted at 12:42 PM  
    الله يسلمكم يا جماعة
    :-)
    والله فتحتوا نفسى .. شكرا جدا

    Zeryab
    تعجبنى ثقافتك الموسيقية جدا يا زرياب .. ايوة يا سيدى هيا فعلا

    Guevara
    فلانتاين ده يا سيدى واحدمن مواليد برج الدلو ...
    رد جماعى:ااااه ... عشان كده !!!
    كل سنة و انت طيب يا عم

    The Master
    اهلا بالضفدع العظيم

    Basima:
    شكرا جدا يا فندم , يسعدنا زيارتك
  8. Anonymous Anonymous posted at 9:51 AM  
    howa ya3ni ana kont basta3geb 3alla l yom elli esmoh l yom l 7obbb ... bas 3aref ma3a l wa2t ba2eit bastana ashof l yom elli 7anzel l share7 ala2ih met3'ra2 a7mar ... far7a bardo ;)
    3amatan bahanikkkk 3alla lon l orange ;)tamam yafandem

    SilvAna
  9. Blogger Polka Dotted posted at 12:28 PM  
    howa eh el lafz el abee7 3shan 3aiza a2olo el valentine el gaii ?!!!
  10. Blogger S H E B A K posted at 5:57 PM  
    SilvAna
    والله الفرحة مطلوبة طبعا ... المهم عجبك الorange .. أقدر انا الناس اللى يحترموا اللون العظيم ده

    BaTaBeeT ...
    ده متروك لخيالك .. ابدعى
    :-)
  11. Blogger shababik posted at 9:57 PM  
    انا بمسي يا شباك
    جميلة اوى المفارقة بتاعة ام كلثوم واللمبي. الا فالانتين دة صحيح في منة شرب؟

Post a Comment

« Home