زهايمر
.
.ان تنسى ..و انا هنا لا أقصد نسيان سلسلة مفاتيحك فى الباب من الداخل أو نسيان البند الاخير فى قائمه المشتروات المنزلية.. لكننى اقصد ان تنسى فترات كاملة من حياتك بكل ما فيها من حلو و مر و لا تعلق بذاكرتك تماما كما لو انها لم تحدث لك بينما يتذكر الاخرون كل التفاصيل التى حدثت بما فيها ما فعلته او قلته انت شخصيا ... فهذا يثير عجبى
يبهرنى كثيرا احد اصدقائى بقدرته على التذكر .. فبينما تسقط من ذاكرتى احداث رئيسية من حياتى اجده هو يتذكر اشخاص قابلهم فى الترام مرتين متتاليتن منذ خمس سنوات و يعجب للصدفة التى جمعته بهم ثانيا فى احد قهاوى الكورنيش .. بينما اعجب انا لشئ أخر
الربع قرن الاول من حياتى لا يشغل اكثر من10/1 من السعة التخزينة المخصصة للذكريات لدى , و هذا قد يفرحنى قليلا فانا امتلك free space فى الذاكرة يحسدنى عليه الكثيرا من ابناء جيلى , خاصا عندما نجلس فى سهرة نتكلم عن السنين الماضية تجدنى اول من يفرغ من قص بعض المشاهد المرتبه بشكل يؤكد حرفية المونتاج لدى لأجلس باقى الليله مستمتعا بذكريات الاخرين ... مصحوبا بنفس العجب
على حد ذاكرتى فانا لم اولد ضعيف الذاكرة و لكنه شئ حدث بالتمرين , فقد تدربت لسنوات على اسقاط فترات كامله من ذاكرتى حتى اصبحت عادة, لكننى لا اتذكر لماذا بالتحديد بدأت هذا التمرين...العجيب
يتطور الامر احيانا ليصل الى اننى اجد نفسى شارد البال فى منتصف مطبخ منزلنا و لا ادرى ما الذى اتى بى الى هنا فى هذه الساعة المتأخرة من الليل , او نسيان الكلمات التى كنت سأكتبها كتدوينه فى ال..... هو أسمه ايييييه ؟؟؟؟؟ .... عجبى
Posted by S H E B A K at 10:08 PM
15 Comments
ايه ده !! أنا قلت برده ان الحكاية مش معايا انا كمان
تلات تربع عقول المصريين دلوقتي بتطوف مع الملايكة فوق السحاب:)
انا برده عندي نفس المشكلة لما صحابي يحكولي عن الحاجة الفلانية اللي حصلت في السنة العلانية ..يا شيخة !!..امتي دي ؟
و برده لما أطلع من الأودة عشان أجيب حاجة و لما أوصل الصالة أقول هو انا جيت هنا ليه ؟ و مفتكرش غير لما أرجع الأودة
و حاليا بدور بجد علي علاجات طبيعية
بيقولو العسل علي الريق بيقوي الأعصاب و الذاكرة
بس بنسي أخده الصبح
و شاي الروزماري طعمه مش في جمال اسمه ولا يُحتمل
فاضل العلاج النفسي:)
أنا دلوقتى عرفت الفيلم مش بيخلص ليه
عماد .... أنا سولو يا حبيب قلبى هاه
ربنا يستر
غالبية الناس عندها نفس المشكلة
واضح ان الحكومة كانت بتمرن الناس علي انها تنسي ....ده حتي الاغاني دلوقتي محدش بيفتكر القديم منها الا قليل عكس زمان ....
بس قصدهم ايه من كده!.....
جايز عشان نتلهي في التفكير ف ايه اللي خلانا كده!..
اه ....
لأ نسيت
انا بقى يا نساى ..زعادة ما بنط على المواقف المخجلة فى حياتى وما أكثرها ..والتمرين ناجح جدا ..التجاوز يا عزيزى ..ألا انت اسمك ايه..مش مدونة رحاب بسام برضه
ايه ده!! زيي بالظبط
كل اللي وصفته ده بيحصل لي.... اختي قالت لي ده اسمه فقدان ذاكرة هستيري، بتحصل صدمة بتنسيك فترة بحالها من حياتك
صحابي ييجوا يحكوا لي حاجات المفروض اني قلتها أو عملتها لكني مش فاكراها خاااالص، بيكون شيء ممتع جداً
وحكاية المطبخ دي.... بتحصل كتير أوي
في الشكل الموضح نرى عماد و هو ينظر في صندوقاً ـ أم تراه بئراً؟ـ وهو يبتسم و تبدو عليه ملامح النسيان
صحيح يا عماد لو افتكرت انت كنت بتبص علي ايه ابقي قولي
علي فكرة انا بقي عكسك تماما انا بافتكر كويس
انا فاكرك يا عماد
فاكرك
(نظرة مهددة)
ايه ده .. انتوا كمان انا فاكره كل حاجه كويس لغايه من 5 سنين فاتوا .. من بعد ما دخلت الكليه مش فاكره اى حاجه ذاكرتى اتمحت تماما
أنا هاتجنّن إزّاي بافتكر حاجات دقيقة جدّاً حصلت من ٢٥ سنة، وبانسى أنا باعلّق على إيه دلوقتِ...
أكيد فيه كذا سبب،
أحدها تشتيت التركيز: يعني مثلاً أنا مش عارف فاتح كام شبّاك على الكومپیوتر في نفس الوقت اللي قاعد فيه على المكتب باحاول أفكّر إيه الشغل اللي عليّ النهارده...
أضف إلى ذلك الكليّة وهي مسئولة عن تدريبي على حفظ كميّة معلومات تفوق طاقة الإنسان، وبالتالي نسيانها في أسرع وقت لاستبدالها بكميّة أخرى...
كلّ ده بيقضي على الذاكرة متوسّطة المدى، وقصيرة المدى ولا تبقى إلاّ ذكريات الطفولة...
على فكرة مافيش حاجه اسمها زهايمر
الالف و اللام موش "ال" التعريف بتاعتننا ، مكتشف الأعراض كان اسمه الزهايمر فاتسمى المرض على اسمه
ايه يا دكتور راء ؟ انت ماخدتش بالك من العنوان ولا عندك زهايمر
الا صح قوللي ، هو الطب بره زي عندنا بيقعدوا يحفظوا الطلبه في كلام كتير و لا مختلف؟
سؤال يطرح نفسه .. هو مخ الإنسان كام جيجا بالصلا عالنبي؟
مخ الإنسان مش بالجيجا يا ناصح، مخ الإنسان بالسنتيمتر المكعب، حسب كمية الهواااااااا، افهموها بقى
u r not alone we can make a club for the unti-memotry people only...
and enjoy togther imagining (halaws tamamn)about the missing history.
ده انت زيى بقى
فتره-اللى بيسموها الطفوله- وانت طالع لحد اعدادى ممحيه من عندى ,بتيجلى ف صوره ومضات بفكتر اسجلها بالورقه والقلم
اه اعملى (تأريخ) وسجل عشان انا حاسه انهم كلوها عليه وأنا موش فاكره ان أنا عيشتها اصلا او ممكن مكنش فيها حاجه تستدعى أنى افتكرها
بس من ثانوى لحد النهارده شغااااااااااااااال
ههههههههههههههههه,سورى ياعماد انا عارفه انا انا زودتها أوى لدرجه ان انا نسيت اصلا انى ف صفحتك ومعرفش ايه اللى جابنى هنا أساسا
المهم,محدش يعرف سبب الحاله دى ايه؟
حلو أوى تعليق جيفارا
هههههههههه عارفه أنى زودتها اوى اوى خلاص ماشيه
بتهزر!!!! ان السه فاكره حاجات من ايام الحضانه يابنى !!!!!!!! انااهلى مافهموش اسباب تصرفاتى وانا صغيره الا اما شرحتلهم وانا كبيره انا كنت بعل ليه كده وانا صغيره
Post a Comment
« Home