Monday, August 29, 2005

And the OSCAR goes to..... :-P


click on the pic to enlarge

أخيرا خلص ... أول فيلم قصير نعمله مع بعض بزمه
أو قضاء عشرون دقيقهspending 20 min الفيلم أسمه
الفكرة لاسعه و غريبه شويه ... هى عباره عن دعوة لقضاء عشرين دقيقه من عمرك فى مكان ممكن تعتبره مميز أو لأ مع أتنين بيتكلموا ممكن تهتم بحوارهم و تعتبرة حوار فلسفى عميق او تعتبره كلام فاضى لناس بتضيع وقت
و السؤال هو : لو كنت قاعد معاهم فى نفس المكان (دكه فى جنينه أو رصيف فى الشارع) هل هتعتبر العشرين دقيقه دى مرحله انتقاليه لغايه ما تشوف هتعمل ايه بعديها و لا ممكن تستمتع بالوقت ده مع انك مش بتعمل حاجه ؟ و ده السؤال اللى المشاهد هو اللى هيجاوب عليه بنفسه بعد الفرجه على الفيلم ( المرور بالأختبار بنفسه .. وهو اختبار مش سهل بصراحه
والمقصود من العشرين دقيقه هى مده الفيلم نفسه .. من الأخر :هل عندك استعداد تقضى عشرين دقيقه معانا على الدكه ؟؟
الفيلم يبدأ بتحذير صريح لأصحاب الوقت الضيق :" الفيلم لا يحتوى على قصه أو حبكه دراميه أو موضوع فلسفى .. أحنا بس بنضيع عشرين دقيقه , لو معندكش عشرين دقيقه تضيعهم ... من فضلك أعذرنا " , طبعا تحذير ممكن يخلى اى حد عايز يتفرج على :-)حاجه تقليديه يطلع يجرى





الفيلم فكرتنا احنا : تلاته صحاب بيموتموا فى السيما و المزيكا (اللى هتلاقوها طاغيه على الفيلم)
بس قبل ما احكيلكوا على الناس دول عندى أعتراف...
انا مش شباك .... (تاتاتاااااااااا) صحيح أسم البلوج شباك بس الشباك الأصلى هو واحد صحبى مخه مطرقع وعنده أفكار تحفه شبهه و يدعى انه (شباك) و انك عندما تنظر اليه فانك حقيقه لا تراه و لكنك ترى العالم من خلاله ( سفسطه مش كده ؟ )
(-: ) بينما أدعى أنا اننى (دكه خشبيه) تدعوك للجلوس و الرغى و البعبعه و بعدين تقوم (كلام كبير
و حلا لمشكله سرقات الهويه قررنا الرضاء بانه شباك أخرج فيلم عن الدكه و انى دكه و أمتلك شباك
dotted...أما تالتنا ده بقى حدوته لوحده أسمه
أو المنقط و هو دماغ مزيكا و سيما عاليه اوى , ممكن يختفى يومين تلاته كده و يرجعلنا بمغنى او فرقه كانوا هرشين دماغه و
قاعد فالبيت بيسمعهم
بس ... هتلاقوا أسماء كل الناس الجدعان اللى ساعدونا على البوستر
(أتمنى انى قريب أقدر أحط لينك للفيلم عشان تشفوه و تقولولنا رأيكم ( طبعا اذا كان عندوكوا صبر و أتفرجتوا عليه كله

Posted by S H E B A K at 2:37 PM



15 Comments

  1. Blogger Unknown posted at 3:35 PM  
    بغض النظر عن الفيلم وموضوعهوانى عايزه اتفرج عليه انا فرحنالك انك عملت حاجه انت عايزها ومع ناس بتحبهم اكيد احساس جميل يارب على طول ان شاء الله.
  2. Blogger Lasto-adri *Blue* posted at 5:51 PM  
    أنا صحيح مليش فى الأفلام التسجيلية يا عماد *متزعلش منى* بس مليش دعوة.. عايزة أشوف عشرين دقيقة دة.. شكله جامد قوى

    على فكرة.. طارق زيدان إدانى العنوان للموقع بتاع أوراق التين دة.. بجد يعنى هااااايل
    وأكتر من هايل.. على فكرة أنا عجبنى اوتار الجيتار دى فكرة جميلة قوى
  3. Anonymous Anonymous posted at 5:59 PM  
    لو محتاج مساعدة في ايجاد مكان مناسب على النت تحط فيه الفيلم كلمني
  4. Blogger Pianist posted at 5:57 PM  
    fekret el film 7elwa begad
    ahanek
  5. Blogger Guevara posted at 8:42 AM  
    هو في حد قال إنه فيلم تسجيلي يا (لست أدري)؟؟؟ ما علينا .. مبروك يا عماد .. لو الفيلم قدر له انه يتعرض في أي حتة في اسكندرية ابقى قول لو سمحت
  6. Blogger S H E B A K posted at 12:10 PM  
    متشكر جدا ياجماعة
    m:
    شكرا جدا , هو فعلا دة بظبط المهم
    lasto adri:
    هو فعلا مش تسجيلى ممكن تسميه فيلم قصير
    ان شاء الله لو حطناه على النت هاتكنى من اوائل الناس اللى هتعرف
    حقيقى عجبك الموقع , دى شهاده اعتز بيها يافندم , غير الجيتار فى ساعه متستخبيه كده تحت الجيتار اللى فوق شمال كليلك عليها و فوليلى رأيك

    alaa:
    يا فندم متشكر اوى , اول ما هنقدر نحطه على النت هكلمك علطول

    abdulrahmanov:
    هوه بعينه , هو مشهور اوى ولا ايه ؟

    زهرمان البخارى:
    مرحب بيك , مش قادر اقولك التعليق بتاعك اسعدنى قد ايه , اول ما هيكون فيه فرصه للمشاهده على النت هاقولك

    pianist :
    اتمنى ان الفيلم يعجبك و يكون التنفيذ على قد الفكرة , شكرا

    guevara :
    الله يبارك فيك يازعيم ,لو عرضنا فى حته هاقولك على طول , بس بينى و بينك احنا بنعانى من عدم فهم ناس كتير للموضوع , فاتمنى ان يكون العرض فى مكان مش محبط
    بس طبعا يهمنى رأيك
  7. Blogger Alaa Alragehy posted at 5:13 AM  
    من قلب الحدث

    تحياتي لييك يا عمدة انت وبقيت الشوللة

    الموضوع اكتر من رائع

    واحسن حاجة على فكرة انك تعمل حاجة بتحبها

    ودي حاجة صعبة اوي اليومين دول
  8. Blogger Lasto-adri *Blue* posted at 6:14 PM  
    أيوة طارق قاللى على الجيتار كمان.. وفضلت يعدها أى حد أشوفه أطلب منه يروح يلعب فى الجيتار التحفة دة.. بجد عجبنى فوق ما ممكن تتخيل

    :)
  9. Blogger AZ posted at 3:11 AM  
    هتضربى انت وارق عشان ماجيبتوليش سيره
    اما بالنسبه ليك يا عماد فنات هتتقتل عشان مايبتليش سيره برده
    :(
  10. Blogger S H E B A K posted at 1:58 PM  
    foxology:
    شكرا يا فوكس العزيز
    انت عارف اللى فيها بقى .. ادينا بنجرب

    lasto adri:
    شكرا يا لست , لو عاجبك اتفضليه
    بس شكلك برضه ما شوفتيش الساعه

    AZ:
    يا فندم ده لسه تحت الأنشاء
    ثم عيب برضه . انا اقدر اعمل حاجه و ماخدش رأيك؟
  11. Blogger Ahmed Shokeir posted at 6:13 PM  
    عماد

    أنا لما لقيت كل دوول معلقين ، قلت أكيد شافووه وطلع إن ماحدش شافه
    طب وبعدين .. شد حيللك بأه

    شكللك كده دارس تسويق كمان

    تحياتى
  12. Blogger Unknown posted at 10:54 PM  
    الفيلم فكرته جديدة فعلا لدرجة انى مفهمتش حاجة اتمنى اشوفه يمكن افهم
  13. Blogger Ana mosh sa3eed. posted at 8:06 PM  
    WHO THE HELL IS TAREK ZEIDAN!? I THINK I KNOW THAT NAME!!!!!!!!
    3omda.......check with Alaa if u can hve it online and we will do the publishing...I think as well U can have it on a yahoo server..I saw a movie once directed by an Egy gurl living in Germany I think talking about her home town..cairo and Alex ;)

    ana mosh sa3eed
  14. Blogger Zeryab posted at 3:57 AM  
    سمعونا سلام على طول السلام لعماد باشا ........ألف مبروك ..يا بو الشبابيك وده رأيى انت شباك مش دكة بس الشباك بتاعك ما بيطلش على بره قد ما بيطل على جوه..شباك على واحد قلبه أبيض زى نتفة تلج ..
  15. Blogger Solo posted at 2:39 AM  
    أنا شفت الفيلم يا جماعة في ظروف فريدة من نوعها بس يستحق فعلا يتشاف

Post a Comment

« Home