Wednesday, March 05, 2008

زمن الفن الجميل


مفيش حاجة اسمها زمن الفن الجميل... دى جمله اخترعها التليفزيون المصرى عشان يفضل يعرض الحاجات اللى عنده فى الارشيف و يدارى كسله انه يدور على الفن الموجود دلوقتى

ولو حضرتك مقتنع ان كان فى فن جميل و مش موجود دلوقتى يبقى انت محتاج تبطل تتفرج على التليفزيون و تدور على الناس اللى بنتحاول تعمل حاجات كويسة فى حتت تانية

Labels: , ,

Posted by S H E B A K at 10:13 AM



10 Comments

  1. Blogger Bella posted at 5:00 PM  
    بتفرسني جدا الجملة دي

    زيها تمام زي الاساطير المنسوجة حول الدراما المصرية وعدم وجود منافس لها وريادتنا في هذا المجال وباقي الكلام الهجايص اللى اتكشف كذبه لما شوفنا الدراما السورية وعبقرية القائمين عليها

    ولا عزاء للزمن الجميل ولريادة مصر في اي مجال بعد ان اصبحت ريالة
  2. Blogger qwert anime posted at 1:30 PM  
    انت فنان فعلا
    انا بقالى يومين بقلب فى مدونتك حقيقى رائعة
    و على فكرة اكتر حاجتين بكرههم هما
    زمن الفن الجميل
    و سندريلا الشاشة العربية
    انا مش قصدى سعاد حسنى لكن قصدى الجملتين دول بيخنقونى قوى
  3. Blogger زمان الوصل posted at 9:32 PM  
    هى جمله غبيه ..
    لأن لو فيه فن يبقى جميل
    ولو مفيش جمال يبقى مفيش فن
  4. Blogger ياسمين حميد posted at 5:36 PM  
    عندك حق والله
    كما كان هناك أيامها فن جميل، هذه الأيام هناك أيضاً فن جميل
    والفن الهابط موجود زمان كما هو موجود الآن
  5. Blogger samourai 4 ever posted at 10:41 PM  
    زمان كانوا بيقولوا على زمان اللى قبلهم انه كا زمن الفن الجميل
    و احنا بنقول على الزمن اللى قبلنا انه زمن الفن الجميل
    محدش لاقى حاجه يقولها
    يقولك زمن الفن الجميل
    و دمتــــــــــــــــــــــــم
  6. Blogger عين فى الجنة posted at 11:51 AM  
    فن يفن فهو فنان اى مبدع ، واى ابداع فى اى صورة الا فيما ندر لابد ان يكون جميل
    in its own right
    فاكر كلامك عن احسن اسوأ فيلم؟
    انا مبسوط انك رجعت تكتب تانى
  7. Blogger Known as PHYSCO posted at 5:19 PM  
    فلبت سريعا فى المدونة و عجبتنى جدا ... بالنسبة لكلامك لحكاية زمن الفن الجميل فأنا معاك 100% .. و مش عارفة امتى نبطل حكاية إن كل جيل يعد يشتم فى نفسه و يوصف الجيل اللى قبله بإنه كان ( جميل ) .. ليه ما نعرفش قيمتنا و احنا لسة عايشين ؟؟!!!

    و لو دلوقتى فيه حاجات وحشة زمان برضه كان فيه حاجات وحشة .. احنا بس اللى بنغمى عينينا عنها
  8. Blogger GAMA-lone posted at 1:50 PM  
    يا شباك ياخويا...
    البلوج الجديد نزل و محتاج لمساتك و شوية دعاية و بتاع... لحسن رشيت مية من الصبح و البلوج بينش
    و فيه بيرة مجانية من الكباريه اللي جنبينا
  9. Blogger أبو عمر posted at 6:02 PM  
    أولا أنا بسجل إعجابي بمدونتك، شكلها ظريف فعلاً وأكيد دا انعكاس لشخصيتك مع إني للأسف شفت المدونة بشكل سريع، بس أوعدك إني هتابعك وهشوف المدونة بشكل مستمر.
    ثانياً إنت عندك حق فعلاً على جملة(زمن الفن الجميل) جملة سخيفة ملهاش معنى غير إن إحنا زهقانين من نفسنا ومش طايقين حالنا وخلاص وبندور على أي حاجة قديمة نعجب بيها ونحبها ونبكي عليها علشان عدت، يعني زي البكاء على الأطلال.
  10. Anonymous Masonry Kendall posted at 3:23 PM  
    Thank you ffor sharing this

Post a Comment

« Home