Call Waiting
مش ضرورى ترد على التلفون فى كل مرة يرن فيها !!
دى كانت احد النصايح من عينة كيف تعيش سعيدا فى حاجة قرتها زمان كدة مش فاكر فين...
هو كلام مقنع فعلا ...انت مش مضطر تكون موجود كل لما (اى حد) يعوزك
بعد سنين من المحاولة اعتقد انى بقيت بعمل كدة فعلا ... بحلقلة تماما ... بس السبب مش الجملة دى اصلا
السبب هو ان اللى بيعوزنى فى اى وقت من النهار او الليل بقى بيكلمنى على الموبايل اللى بالمناسبة يحمل خاصية الwaiting عشان يعنى حتى لو مثلا صادف ان معايا مكالمة ميفوتنيش مكالمة تانية !!!!
بالمناسبة ..
اعادة انغام لاغنية أشكى لمين بتاعت منير اصابتنى بالغثيان ..
مش عارف اية اللى هيحصلى لما اسمع اغنية ولعت كتير بتاعت زياد و سلمى بصوت الاربع قطط ...اعتقد ده هيتعدى الغثيان بمراحل قد تؤثر على صحتى الانجابية
Labels: انقراف, شباكولوجى, مزيكا
Posted by S H E B A K at 12:17 PM
5 Comments
انا خايفه علي نفسي انا كمان من اغنيه الاربع قطط الحلوين
ربنا يستر
التليفون من كتر ماهوا بقي شيء اساسا بقيت بحس بمتعه لما يبوظ او يوقفو الخط علشان مدفعناش فاتوره او تجيلو سكته تلفونيه
او حتي يفصل شحن زي دلوقتي كده ومش عاوزه اشحنه خالص
بحس ان مفيش قيود مفيش حد فوق دماغي ممكن يجبني في اي ثانيه
او حتي حد يتصل بيا يشتكيلي من همه
انا برده انقرفت لدرجة انى فقدت اى قدره على التعاطف مع انغام او اغانيها
منير ماتغنيهوش حرمه... ولا دكر.. ولو لزم الامر وتغنيه حرمه مش هتبىق انغام...... عيييييييييييييييييييييييييييييييييييييييب انا جالى فجعه
ولو ال اربع ولامؤاخذه قطط عملوا اغنيه سلمى اعتقد ان سلمى وزياد اول اتنين هينتحروا وانا وانت وراهم علىطول
منير غناها حلو جدًا كعادته ، لكن الأغنية أصلاً بتاعة سعد عبد الوهاب .. الدنيا ريشة في هوا " .. اللي غناها منير كاملة في فيلم أحلي الأوقات
To avoid the headache you are talking about, I never had a cellular phone!! Believe me life still can go on easly without it
فى مليون طريقه تهربو بيها من الموبايل .... silent Mood وابقى كلمهم لما يبقى ليك مزاج وفى كمان Flight Moodده طبعا احسسسسسن كتيييييير .... انت
المهم بقى انتو كل مره تتكلمو على زياد وسلمى أشعر بالجهل و اقلب الدنيا Search ومش بلاقى حاجه ... لو حد يعرف مكان أنزلهم منه ...يبقى شكرا جدااااااا
Post a Comment
« Home