Tuesday, July 24, 2007

زواج صالونات


هو الزواج الذى يتم ترتيبة بعد قعدة تنظمها (بالصدفة) سيدتين فوق الخمسين لطرفين احدهما شاب فى التلاتين من عمرة محبوب من امة , محوش قرشين بعد شغل خمس سنين و يعانى من كبت جنسى و موعود بفك زنقتة
و الطرف الاخر هى فتاه فى العشرين تعانى من كبت عاطفى , قد تتمتع بقدر من الجمال او لا, لكنها بالتأكيد لا تعرف شيئا عن اسس استخدام مساحيق التجميل و موعودة بالكثير من الحرية و الاحساس بالاهمية

تهانينا للعروسين .....


Labels: ,

Posted by S H E B A K at 3:46 PM



22 Comments

  1. Anonymous مختار العزيزي posted at 4:41 PM  
    بس بيجيب نتيجة في أوقات كتير وللأسف زواج الصالونات مفهوم تعرض للتشويه حتي أصبحت الكلمة تثير الاستهجان بمجرد سماعها.

    التعارف اللي بيحصل في الصالون ده زيه زي أي تعارف بصدفة حقيقية، وفي رأيي أحسن من السرمحة والحب والنفخ بتاع الجامعة وبنت الجيران وليلي مراد وبحب اتنين سوا.

    وفي أوقات كتير بيكون زواج الصالون ده بدون معرفة أحد الطرفين، وأحيانا بمعرفتهم، وأحيانا بمعرفة طرف واحد منهما.

    وربنا يوفق دماغين في الحلال
  2. Blogger S H E B A K posted at 4:53 PM  
    وجهه نظر تحترم برضة
  3. Blogger Lasto-adri *Blue* posted at 12:36 AM  
    فى اعتقادى انه اختراع فاشل.. عشان مش مبنى غير على ان واحد عايز يتجوز واحدة وسلامو عليكم.. يعنى لو نفس الصالون بس فيه عروسة تانية.. لا اعتقد ان الزوج المحترم راح يفرق معاه كتير

    بس على اى حال فى ناس بتقبل... واهوه ربنا يهنى سعيد بسعيدة.. واللى له نصيب فى جوااز بيتجوز.. وغالبا.. لاء اكيد ح يتجوز اللى نصيبه انه يتجوزها.. جواز صالونات بقى ولا صدفة فى محطة مترو.... تعددت الأسباب والاشتباك واحدٌ

    مش كدة ولا ايييه؟
  4. Blogger bliatsho posted at 4:23 AM  
    ميفرقش معايا كتير اتجوزو جواز صالونات و ﻻ ابتدو كاصدقاء و ﻻ حتى بيحبو بعض و ﻻ ﻷ ..
    كلهم وﻻد كلب .. اي حد يقولي "انا عاوز اتجوز عشان استقر" يبقى ابن كلب ، اي حد يقولي "الجواز سنة الحياة" يبقى ابن كلب .. اي واحدة حاطة رنة عاطفية لمطرب/مطربة ظهر بعد سنة الفين تبقى بنت كلب ..

    مؤخرا كمان بقيت بستخدم قواعد اوسع ، يعني مثلا اللي ميعرفش مين زياد رحباني و ﻻ سمعله اغنية واحدة ع الاقلبغض النظر عن اعجابه بيه من عدمه يبقى ابن كلب .. اللي بيسمع محمد حماقي يبقى ابن كلب ، وش !

    القناعات دي بكونها دلوقت عشان لما ابقى رئيس جمهورية الكرة الارضية مقعدش كتير في تعديل الدستور ..
  5. Anonymous ahmed fouad posted at 11:32 PM  
    شكلهم هيعملوها فيك ولا ايه يا عمدة


    :D


    انا متفق مع بلياتشو فى قاعدة ابن الكلب دى


    القاعدة دى بتعامل بيها حاليا ومريحة دماغى عالاخر

    بس عايز اقوله انه لو بقى رئيس جمهورية هيبقى ابن كلب



    كلهم بيبقو كده

    :D
  6. Blogger عنتر بن غلبان posted at 10:10 AM  
    يمكن يكون جواز الصالونات مش مريح لكتير من الشباب اللي عاوز يحس بحرية اختياره لشريك حياته على حد قول امي الله يصبحها بالخير بس الاكادة ان رأي الاهل ممكن يكون مفيد جدا وممكن يكون ظالم لأن معايير الاختيار عندهم غيرنا وخصوصا لو فيه فجوة في العلاقة بيننا وبين الاهل كما هو الحال مع كتير مننا نظرا لنظرتهم لنا كاطفال مش عارفين الحياة ونظرتنا ليهم اللي اساسها ان دول بشر خارجين من فيلم قديم ومفيش فرصة للتواصل

    واحب اقول برضه ان اللي ما بيفهمش الفرق ده بين تعارف الصالونات الغير ملزم بأي اتفاق وبدون اي وعود وبين القعدة المرتب لها مسبقا ورأي الصغار فيها تحصيل حاصل ابن كلب

    بوركت
  7. Blogger Pianist posted at 1:51 AM  
    دعارة مقننة يا عزيزي الارشيدوق
    سيبك انت
    "احلي ما فيها العشق والمعشقة"
  8. Anonymous أنا posted at 11:20 AM  
    واللي بيقول دعارة مقننة دا حمار

    وابن كلب
  9. Anonymous أنا posted at 11:21 AM  
    واللي بيقول دعارة مقننة دا حمار

    وابن كلب
  10. Anonymous Anonymous posted at 4:26 PM  
    OOOOOOOOOOOOOOOOOOOo
    حلوة يا رجل
  11. Blogger monBYH posted at 10:13 PM  
    فوق الخمسين ..صح ..
    محبوب من امه ..صح ..

    فوق العشرين ..صح ..
    مساحيق ..مش اوي يعني ..

    وبالآمارة ..الجهاز التناسلي لذبابة الفاكهـــة..

    دايما الاختيار السهل بيبقي له شعبية..
    لأن كتير من اللي عايشين اليومين دول ..ماعندهمش ثقه في اختياراتهم او تجاربهم الشخصية ..
    بيروحوا لماما وطنط ..تختار له او ليها علي السواء..

    تهانينا للسواء..

    وتحياتي يا بيـــــه..


    لست ادري:واللى له نصيب فى جوااز بيتجوز..

    حلوة ;-)
  12. Blogger BElieVE posted at 2:34 PM  
    متفق معك في الرأي

    و لكن الغريب فعلاً هو أن زواج الصالونات بيدوم أكثر و بكثير من زواج قصص الحب العنيفة , و المشي علي الكورنيش , و قزقزة اللب

    طب ليه ؟؟ هو مش المفروض يبقي كده ؟؟

    يمكن السبب هو أن زواج الصالونات بيكون بين أتنين يائسين عاطفياً و بيجدوا في هذا الزواج هو الحل الوحيد للخروج من دائرة الحرمان

    حقيقي مش قادر أفسر الظاهرة دي
  13. Blogger Oreka posted at 4:41 AM  
    عروستك عندى يا عماد ...احنا ماضيين كونتراتو سوا
    ما تحاولش ..لاااااااازم تشرب!
  14. Blogger السهروردى posted at 6:25 PM  
    متفق مع مختار العزيزى ومتوقع لنفسى نهاية مشابهة
    وعلى أى حال فعلا ربنا يهنى سعيد بسعيدة
    الحياة الزوجية ماهيش مقارنة إيدولوجية بين جواز الصالونات وبين غيره من أنواع الزواج
    هى أقرب لنظرية البطيخة
  15. Blogger S H A H posted at 2:01 PM  
    اجمل و اوضح تعريف قريته عن جواز الصالونات

    تصميم مدونتك روعة بجد
  16. Blogger جوستيـن posted at 4:31 AM  
    مبروك للعروسين

    يا جماعه كل واحد علي كيفه
    موضوع مستهلك بقي
    ومش هيبطوا يتجوزوا صالونات
    وابويا راضي من وانا راضي
  17. Blogger S H A H posted at 9:53 AM  
    S H E B A K Basha
    ==================
    بعتلك ميل و مردتش عليا بقالي 3 ايام مستنيك و انت تقلان يا نجم

    الكومنت ده انذار


    اللي بعده تهديد


    وهفضلك هنا زي الكابوس

    وسلام مؤقت
  18. Blogger S H A H posted at 11:05 AM  
    انت مسافر و لا ايه يا شباك

    كل يوم ادخل اديك انذار كدة
  19. Anonymous أحمد posted at 11:41 PM  
    أتابع دوما هذه النصوص الجميلة
    وأنبه إلى مدونة جديدة
    اسمها " حكايات المساء
    رابطها هو

    hisham66.blogspot.com

    أرى فيها جديدا يستحق المتابعة
  20. Blogger علوة posted at 7:38 PM  
    على فكرة أسلوبك رغم أنه متأثر بالطريقة الإخبارية العلمية ودي مش تريقة أوعى تتشقلب
    إلا انك برضه متأثر بجماليات التشبيه على خفيف
    الغرض : دمك خفيف يا معلم
    أنا سعيد اني عرفت البلوج الجامد ده

    صباح الفل
  21. Blogger Aladdin posted at 9:07 PM  
    تعريف لطيف فعلاً لما يطلق عليه المصريون "جواز الصالونات"!!

    ويجعله عامر!
  22. Blogger weswes posted at 9:16 PM  
    مختصر لكن فى الجون
    لكن موضوع دعاره مقتننه دى واسعه اوى يا عم الحج اللى قال
    يعنى الوضوع برضوا شرعى فى الاول وفى الاخر
    لك تحياتى

Post a Comment

« Home