Monday, July 25, 2005

EL MOOD


Posted by S H E B A K at 10:38 AM 10 comments



Tuesday, July 19, 2005

FIX U


FIX YOU
a song by : COLDPLAY
Album : X&Y

Posted by S H E B A K at 8:00 PM 2 comments



Monday, July 18, 2005

لا... يا منير

طيب... الألبوم نزل

بعد جلسة أستماع مع مجموعة من الأصدقاء وقراءة كلمات الأغانى و محاولات الأستماع الفرديه للألبوم لمدة أسبوع تقريبا ممكن أقول أن الألبوم مش مستوى منير ...مش هوه دة منير اللى بسمعه من 20 سنة من 11 أغنيه هما4 أغانى اللى يتسمعوا... ممكن أتكلم عن أغنية أغنية من ال11 (يمتنع عن قراءة التالى كل من يرى الألبوم تحفه و هو عصارة (خبرة محمد منير

أمبارح كان عمرى عشرين : هى أغنية ممتازه لحميد بارودى أو التراث الجزائرى , التوزيع جيد و منير يغنيها بشكل جيد , لكن فى تغييرغريب فى الكلام مش عارف دى غلطه ولا ايه :أمبارح و أنا بغذوبتى فارح , فى الشوق و الهوى سارح هكذا كتبت الكلمات فى غلاف الألبوم لكن فى الأغنيه يقول منير : امبارح وانا بغذوبتى سارح فى الشوق و الهوى سارح , و رغم انها أسوأ شعريا لكنى أتمنى ان تكون مقصودة

اامبارح...كان عمرى عشرينكلمات : محبوب باتى - لحن : محبوب باتى - توزيع :حميد بارودى

قلب فاضى- أمر الهوى : كلمات مش بطاله , توزيع عادى

قلب فاضى كلمات : بهاء الدين محمد - لحن : حسن أبو السعود - توزيع : محمد مصطفى

أمر الهوى كلمات : كوثر مصطفى - لحن : زياد الطويل - توزيع : أشرف عبده

صياد : أغنية قديمة لمغنى يدعى محمد طه , أختيار غريب جدا لمنير و اسلوب فى الغناء بعيد تماما عن أسلوب محمد منير , و أعتقد انه غناها عشان يؤكد فكرة تقبله لكل الثقافات و أساليب الغناء المختلفة ,ممكن نتقبل ده لكن فكرة و ضعها مرة أخرى فى الألبوم بتوزيع لم يضيف اى شئ بالمرة... مش حلوه, عانيت جدا عشان أقدر أسمع هذة الأغنيه لأخرها و هذا لم يحدث معى فى اى أغنية لمنير من قبل

صياد كلمات : محمد طه - لحن محمد طه - توزيع : حميد بارودى

صوتك : هذة الأغنيه .. منير فعلا , لكنها نسخة بهتانه من لما النسيم

صوتك كلمات : عبد المنعم طه - لحن : أشرف سالم - توزيع : محمد مصطفى

ويللى : دى أغنيه أفراح يا جماعة

ويلى كلمات : عيسى عباس - لحن : أشرف سالم - توزيع : أنور عمرو

حاضر يازهر : كلمات جيدة للشاعر الغنائى عبد الرحيم منصور , لحن عادى و توزيع سخيف للأخ أشرف عبدة الذى كان حضورة طاغى على الألبوم

حاضر يازهركلمات : عبد الرحيم منصور - لحن : هانى شنوده - توزيع : أشرف عبده

حكايته حكايه : لا تعليق ...ماليش نفس

حكايته حكايه كلمات : حسن عوض ابو العلا - لحن : أحمد المستشار- توزيع : رومان بونكا

أيدايا فى جيوبى : دى بقى أغنيه حلوه فعلا , رباعية جيدة لصلاح جاهين و لحن متميز لوجيه عزيز و توزيع ممتاز لرومان بونكا .. كان ممكن تنزل فى ألبوم لوحدها و هاكون مبسوط يبه


ببنجرح : أغنيه جيدة أيضا و توزيع ممتاز ... سمعت انها متسجله

Unplugged
, منير مع اربع عازفين فى الأستوديو و دى حاجة ظريفة

بننجرح كلمات : محمود رضوان - لحن : نبيل جودة - توزيع : رومان بونكا



أكثر من مرة حصلت ان منير ينزل البوم و يكون أقل من اللى قبله و بعد فترة أتعود عليه لأنه فى الأخر بصوت منير اللى بيدخل جواك و ماتقدرش ماتحبوش

:لكن بعد هذا الألبوم و مع ان بعض أغانيه جيدة

لا يامنير ... مش كل مرة

Posted by S H E B A K at 12:01 PM 16 comments



Monday, July 04, 2005

!! صحيت النهارده من غير مناخير

صراخ أمى : أصحى بقى ... الساعه بقت 11
!أفتح عينى ... يوم تانى ؟
الساعة 11... شغلى يبدأ الساعة 10
!أقوم مخمورا ... فى حاجة ناقصه

الحمام... الفوطة
الصابونة ... المياه
!!فى حاجة ناقصة
...أغسل وجهى
...المراه
!!!أستنى
مناخيرى فين ؟؟؟
عينتين ... حاجبين كثيفين
... و دنين ... فم
مناخيرى فين ؟؟؟
تأثير النوم ؟... يمكن

...النظارة
بتثبت
ظريف أن تعرف أن نظارتك
ممكن تثبت على ودانك دون مناخير

الثلاجة ... مياه ساقعة
الكمبيوتر ... نو كونيكشن
فى حاجه ناقصه
أحسس فلا أجد مناخيرى

الأسانسير ... محمد البواب
مش هاسلم
صباح الخير
صباح النور
...ماخدش باله
نسيتها فين ...؟؟
عند صديقى اللى كنت بساعدة
فى مشروع تخرجه حتى الفجر ؟

...الشارع
نسيتها فى الحفله التى كانت قبلها ؟
يمكن اديتها لصديقتها التى قابلتها صدفه
و لم أستطيع حتى ان أسألها :هى عامله ايه ؟
بدأت أفتقدها

تاكسى ... فرو ودباديب على التابلوه
أسلم ولا ايه ؟
...السلام عليكم
لا يرد
يمكن نسيتها فى البيت قبل الحفله
أو فى الشغل قبل البيت ؟
على الترام لو سمحت
ينظر ثم يبتسم
...كده أكيد بقى
! انا من غير مناخير

الشغل ... السكرتيرة
عم نعيم ... القهوه
!!... المدير
لسه جاى دلوقتى ؟؟
أبتسم أبتسامتى البلهاء
أتساءل كيف كانت الأبتسامه
من غير مناخيرى
هل كانت بلهاء كفايه ؟

مكتبى ... ادوب فوتوشوب
فلاش أم أكس ... فيروز
....صباح و مسا
ابحث على المكتب
فى الأدراج
....تليفون
الو ... ازيك ياواد ..
ايه ... لقيتها ؟
هى ايه ؟؟؟
لا ولا حاجة
مالك مخنف ليه ؟؟
لا .. البرد المعتاد

...أتساءل
هو انا نسيت مناخيرى فى حته
ولا انا أصلا من غير مناخير
؟؟؟


أقتباس من قصيدة لفؤاد قاعود
سمعتها من صديق
أسف ... لا أتذكرها تحديدا
_______________________________
:تعديل
بعد الأتصال بصديقى باحثا عن قصيدة فؤاد قاعود التى لم أكن أتذكرها جيدا
صاحبى راح مشوار
رجع من غير مناخيره
...قلت له يا جدع
مناخيرك فين ؟
...قالى: أسكت
طول عمرى من غير مناخير
فؤاد قاعود

Posted by S H E B A K at 1:39 PM 8 comments



Sunday, July 03, 2005

من نصائح شخص عاش جامد و مات مش جامد قوى



شعورك أنك جامد هو شعور نسبى و لا يرتبط بمستواك فى الشئ الذى انت جامد فيه بل بنظرة الاخرين اليك و انت تفعله

ان تكون جامد فى شئ ما فلابد لك ان تكرس حياتك لهذا الشئ و تميل دائما للصحبه التى لا تفقه اى شئ عن هذا الشئ الذى انت جامد فيه و تذكر لهم دائما كم انت جامد فى هذا الشئ و حذارى من ان تترك هذه الصحبه لانك بهذا تفقد الشعور بانك جامد

تذكر دائما انه لايوجد شخص جامد فى كل شئ لذا وجب عليك و انت شخص جامد فى شئ معين ان تحتقر باقى الأشياء و تحط من قدرها و تقلل من شأن باقى الأشخاص الذين الذين يدعون الجموديه فى هذه الأشياء الأخرى

بفرض انك شخص جامد بالفعل فى شئ و انا قررت ان أكون جامد فى شئ أخر قد يكون أكثر جموديه لكننى بالطبع خسرت ان أكون جامد فى الشئ الأول , اذا و هنيئا لك فانت الأجمد , و خصوصا اننى و للاسف فقدت حتى هذا الشئ الأخر

هذه النصائح تحتوى على 14 كلمه جامد , انا لا أدعى العبقريه و لكننى
-بالتأكيد جامد فى كتابة كلمه - جامد

Posted by S H E B A K at 12:39 PM 1 comments



Saturday, July 02, 2005

2mbare7 .... kan 3omri 3eshreen


......أنا الان فى حاله أنتظار لألبوم منير
!!!...البوستر نزل فعلا؟
تمام....يبقى الألبوم نازل قريب
البوستر جديد و جرئ و مختلف عن اى بوستر شريط أخر , فلم يظهر فيه وجه منير فقط يديه و قدميه و هو جالس على البحر
(رغم ان وجه منير يكون مميز على البوستر و له طابع خاص )
الا أن أن البوستر عجبنى فيما عدا طريقة كتابة اسمه و أسم الألبوم
:(المهم : أسماء الأغانى هى كالتالى ( المصدر


أيدايا فى جيوبى
حكايته حكايه
حاضر يازهر
قلب فاضى
بننجرح
صوتك
ويلى
(سيد أو على الأصل دور (مش أكيد من الأسم ده
أمبارح كان عمرى عشرين

Posted by S H E B A K at 12:22 PM 2 comments