Wednesday, September 26, 2007

Les Triplettes de Belleville

دائما اجمل قصص الاطفال بتكون فرنساوى ... اتصفح كتاب اطفال فرنساوى و انت تحس انه مختلف عن اى كتاب اطفال تانى
الفرنسيين مميزين جدا فى رسومات الاطفال و التفاصيل و الالوان و الى جانب ده هما عفاريت افكار عيالى و خيال بسيط لحد العبقرية ..
بحس انك لو سبت طفل يقرا كتب اطفال فرنساوى بس هيطلع يا عبقرى يا مجنون من كم الافكار المطرقعة فى الكتب دى ...عندهم فن الحكى عالى جدا

Les Triplettes De Belleville فيلم كارتون فرنساوى انتاج 2003 اترشح لجائزتين اوسكار
الفيلم انا بعتبرة من اجمل افلام الكارتون اللى شوفتها فى حياتى ...

الكادر الواحد من الفيلم ممكن تثبتة و تقعد تتفرج على كم التفاصيل الانهائى و دى من الحاجات برضة اللى تميز الكارتون الفرنسى و اعتقد انهم كلهم يتبعوا مدرسة ايرجية رسام الكوميكس البلجيكى صاحب كوميكس تان تان الشهيرة

الالوان كمان عجيبة جدا .. اختيار الوان مناسبة جدا للمود اللى عايزين يوصلوه
و طبعا رسم الشخصيات سواء كتصميم و رسم او رسمهم فى الدراما .. كل شخصية عاملة ازاى و ايه لزماتها او إعقاتها مثلا

المزيكا كمان حلوة جدا و قائمة على الـ percussion او الايقاعات خاصة التى تعزف بالاشياء (تلاجة .. عجلة .. جرنال ... مكنسة كهربائية) :)

المهم .. انا استمتعت فعلا و ده اللى خلانى اكتب عنة حتى لو مقلتش كلام يتعدى الاعجاب الطفولى بالفيلم ..
لكن دى مجرد حجة بس عشان اقدملكم الاجزاء دى منه...







و بالمناسبة طبعا مش عايز انسى اشكر فريق عمل كارتون (سوبر هنيدى ) على المجهود الجبار اللى اتعمل فى رسم ال17 كادر بتوع كل حلقة


Labels:

Posted by S H E B A K at 12:39 PM



16 Comments

  1. Blogger Guevara posted at 1:26 PM  
    و بكار اللي مقاس دماغه بيتغير بين كل كادر و كادر .. ما تحاولش تقارن عشان بأمانة أنجح كارتون عملناه كان بتاع: يا حضرة العمدة إبنك حميدة حدفني بالسفنديي .. إهيي
  2. Blogger Misrdream posted at 8:25 PM  
    انا رايي ان الكارتون فى مصر فى ازدهار بعد حلقات صميده وحصبله على القناه السابعه هيه دي الكادرات
    هههههههههههههههههههههه
  3. Blogger bo2bo2 posted at 11:23 PM  
    ana shoft el film dah men 7awaly sana
    kan experience ghareeba geddan belnessbaly we khosoossan enny fel awel kont "reluctant" enny ashoof el film khosoosan lama 3ereft en el mawdoo3 faransawyy

    el afakar we taree2et 3ard el mawdoo3 we masha3er el nass wel ka2enat

    ana mosh momken ansa mashahd el kalb wel metro bey3ady men ganb el beet

    ana faker el impression beta3y lama kheless el film "zohool" ....
  4. Anonymous Sherif Nagib posted at 3:22 AM  
    الفيلم عبقري على كل المستويات، و الستايل بتاعه متماسك جداً على كل المكونات و الألوان و التحريك و تصميم الشخصيات.. تحس إن الحاجات دي كلها جاية من نفس الحتة.

    سمعت مرة مقولة إن الفنانين الأوروبيين دايماً بيبهروا العالم لأنهم بيعملوا اللي أمريكا نفسها تعمله و مش عارفة بسبب النظام اللي ماشي فيها.
  5. Blogger Cognition-sense posted at 6:27 PM  
    I totally agree, I never saw this movie b4, but it seems to be worth all this you said..
  6. Blogger Sara Swidan posted at 12:51 AM  
    ماتألِّبش ع الواحد المواجع ... هنيدي ايه بس و بتاع ايه!!


    الواحد بيحزن والله!!


    بوستز مميزة جداً والله يا عم شباك !!

    صباح الورد!
  7. Blogger رنا مسعود posted at 3:42 AM  
    رااااائع
    يجب أن أتفرج على هذا الفيلم. انبهرت لمجرد رؤية هذه المقاطع منه.
  8. Anonymous Anonymous posted at 9:30 AM  
    زى ما تتخيل تلاقى

    فى كدة....

    اخر جزء وهمى
    قولى اجيبه ازاى كامل ؟؟ يخربيت الناغم

    وفاء
  9. Blogger am-in-love posted at 11:04 AM  
    الفيلم ده ملهوش حل رائع واغنية التلت ستات رهيبة وطرقعة الصوابع والبيت المايل والدنيا اللي ماشية زي الصاروخ وصفارة الام ورا الواد وهوه بيدرب علي العجلة الفيلم ده اجمل فيلم شفته في عمري كله
    رفيق وجيه
  10. Blogger Oreka posted at 1:05 AM  
    الفيلم انا شفته من سنه ونص تقريبا وطبعا اكتئبت!لان الخطوط بتاعته بتفكرنى باسكيتشات رسام اسمه " فرانسيز جوبيتيه"بشوف رسوماته بيجيلى اكتئاب بعدها على طول بردو!!وبقعد بعدها أركز فى الرسومات اتجنن من عمق الخطوط واللعب فى الزاويا بالشطارة دى.
  11. Blogger Sherief posted at 1:55 AM  
    This comment has been removed by the author.
  12. Blogger Sherief posted at 1:59 AM  
    El film to7fa begad !
    El faransaweyeen dool mangam afkar !, ana dayman bala7ez en aflam el animation el American formulated awy, ya3ny law qarent ma been Cars We Finding Nemo msh hatla2y far2 keber, aw 3al 2a2al da ra2yey, ennaama el film da, begad el american maye2darosh ye3melo 7aga bel gomoo7 da.

    7ad 7'ad balo en el walad el cyclist da shabah Anton Ego elly fe Ratatouille :D ? the typical caricatured french face. Fe3lan, gannet el animators el tafaseel.

    Sylvian Comet el mo7'reg da lase3 aslan :)), el segment beta3o fe film "Paris, je taime " bardo magnoon kda, bas a7la segment fe ra2yey.
  13. Anonymous Sherif Nagib posted at 5:37 AM  
    على الفكرة الفيلم منسوب للفرنساويين بشكل كبير بس خللي بالكو إن أغلب تنفيذه و التحريك تم في الكيبيك.

    أنا شايف فرق السما و الأرض بين كارز و نيمو يا شريف، كارز ده أسوأ فيلم عملته بيكسار في رأيي. يمكن عشان واخد جو أمريكاني قوي أنا ماحبيتوش.. بس برضو الفيلم اتعمل في ظروف زي الزفت وفي عز الخناقة بينهم و بين ديزني. بس نيمو فيلم تحفة حرام عليك يا راجل. قصة و شخصيات في منتهى الروعة.

    أنا منحاز لبيكسار لأنهم ستوديو التحريك الوحيد في أمريكا اللي بيهتم بالقصة لأبعد الحدود، القاعدة الكبرى اللي مكتوبة و متبروزة هناك و اللي حطها جون لاستر هي :
    STORY IS KING

    و بعدين ياراجل كفاية أفلامهم القصيرة، يعني إنت شايف إن فيلم زي
    geri's game
    أو
    Birds
    ده فيلم أمريكاني تقليدي !!

    طبعاً دريم ووركس نايمة في الـ لالا لاند و عمالة تعمل قصص زي الخرة و المهم عندها تنتج عشر أفلام تحريك في السنة و خلاص و إفيهات للصباح الباكر.

    و بلو سكاي عملت روبوتس زفت و بعديه آيس إيج التاني برضو نص نص.

    الخلاصة: بيكسار جامدة فشخ في رأيي المتواضح و حرام يجمع بينها و بين استوديهات التحريك الأمريكاني التانية في نفس السلة.

    و أسفين للإطالة :)
  14. Blogger Sherief posted at 1:25 PM  
    Law faker ya Sherif ennana baqaren ma been Nemo we Cars yeb2a enta bethenny :), la2en nemo da a7san film Animation shofto fe 7ayaty, we ra2yey enno a7san men cars 100 marra..elly 3ayez 2a2olo en fe formula neg7et fe Nemo we etkarraret fe Cars...awgoh el tashaboh elly la7eztaha wana bafarrag kat keter, el character elly beyeb3ed 3an ahlo le sababen ma we yet3arraf 3ala characters tanya tesa3do enno yerga3, el character el 3agooz el montawy elly beyomasel 3amel el 7'ebra, elly kan wa7'ed gamb fel awel ba3den ba2a wa7ed mel faree2, elly howa Ruc Hudson fe Cars "Paul Newman" we Gill fe Nemo "Williem Dafoe", 7atta el characters el supporting, fe Nemo Jacques elly beyetkallem be accent french we fe Cars Luigi elly beyetkallem Italian, tab3an kol el characters mawgoda le sabab we msh ma7shora wala 7aga.

    El moqarna beta3ty de sat7eya awy, 3ashan ana mogarrad moshahed, laken ento ya Sherif we Shebak betanzorolo nazra tanya 3ashan ento mota7'aseseen we 3ashan kda ana ba7eb Cars bardo la2en be nazret moshahed 3ady, eshta sha3'al.
  15. Anonymous Sherif Nagib posted at 4:00 AM  
    آه أنا افتكرتك بتقارن بين نيمو و كارز.. ريحت قلبي :)

    يمكن يكونوا مشتابهين عشان الاثنين ماشيين على اسلوب "رحلة البطل" الشهير.. حاتلاقيه في 3/4 أفلام و قصص العالم ،مع التنويعات.

    أنا برضو بابص للحاجات دي كمشاهد، كلمة متخصص دي لسة بدري عليها فشخ :)

    معلش يا شباك أسفين عالزحمة.. إنما إنت قاطع على نفسك عهد ماتردش على تدويناتك و لا إيه ؟!.. و بعدين إنت يامان بطلت تنزل القاهرة و لا إيه ؟!.. ما تيجي في العيد و تهرب من زحمة اسكندرية.. ده حتى القاهرة بتبقى فاضية
  16. Blogger ربيع posted at 8:50 PM  
    الفلم كله كوم ، و الجارسون الرفيع في المطعم كوم تاني ، يعني الرسام باين كان جوز امه بيشتغل جرسون

Post a Comment

« Home