Saturday, March 25, 2006

البحث عن الهوية بين الطولية و العرضية





.

من فترة طويلة و انا مسيطرة عليا الهدوم المخططة (أو المقلمة) بالعرض و مع الوقت اتعودت عليها و بقت مريحة جدا بالنسبة لى اكتر من اى شئ تانى ... يمكن من هنا جه اسم دنجل .. و مع الوقت ارتبطت التى شيرتات المقلمة بصفة الدنجلة اللى بقت نظرية و اتجاه فى الحياة.. ليه مؤيدين متعصبين بشدة ..
فا لو بصينا على تاريخ الدنجلة هنلاقى ان من اشهر الدناجل فى العالم هو : بيكاسو .. اللى ممكن نقول عنة انه من المؤسسين .. فقد كان (الله يرحمة ) من اشهر اصدقاء التى شيرتات المقلمة بالعرض و كان بيلبسها فى الشكل المقلم الpure اللى هوا: خط ابيض و خط اسود



و طبعا زى كل نظرية ناجحة فى الدنيا لازم يبقى ليها معارضين.. دول بقى الناس اللى عندهم نظرة ايجابية للحياة (و العياذ بالله) و شايفين ان الواحد لازم يلبس هدوم formal شيك .. مقلمة بالطول تديلك وقار و هيبة .. وقال اييييه: الهدوم المقلمة بالعرض بتخن
و من هنا بدأ الصراع بين الميل للدنجلة و الاحتياج للهندمة ( فى المقابلات الرسمية و الحاجات دى ) .. و كان مبدأ الدنجل بينتصر فى النهاية ... الموضوع تطور بعد كده الى انى بقيت بحب كل ما هو مخطط بالعرض و مش برتاح للخطوط الطولية فى اى شئ .. لسبب ما انا مش قادر افهمة .. الى ان توصلت للحقيقة .. و من فضلك خد الكلام اللى جاى ده على محمل جد لانه كلام مهم جدا

الخطوط اللى بالطول دى شريرة جدا .. بتخرج منها طاقى سلبية مرعبة قادرة على تدمير الموود بتاع البنى ادم العادى فى اى وقت .. طبعا فى كتير هايقولو ده كلام فاضى و تخاريف .. اوكى اوكى .. هما حريين .. هاديكم تجربة عملية من واقع الحياة .. لكن يا جماعة من فضلكم ازى كنتم هتجربوها بنفسكم .. انا ماليش دعوة بالعواقب اللى ممكن تكون مؤذية جدا :
لو حضرتك نازل من البيت و قابلت جارك فى الاسانسير لابس قميص مقلم بالطول.. وطبعا ممكن هنا نحط احتمال الى انه راجل شرير و قاصد يبوزلك الموود اللى انت مرجلشة من الصبح و عمال تشرب فى نسكافية و تسمع مزيكا (او اي كانت الطقوس الصباحية بتاعتك).. المهم .. العشر ثوانى دول اللى هما فترة نزولكم للدور الارضى كفايه جدا عشان يدمروا الموود بتاع سيادتك باقى اليوم .. لكن لو انت محصن نفسك بطاقة ايجابية مقلمة بالعرض(تى شيرت مثلا) .. زى اى دنجل مقتنع بمبدأه ... يا سلام .. يا سلااااااام .. شوف بقى يا سيدى ها يحصل ايه .. هتلاقى خطوطك العرضية الطيبة بتطلع طاقة ايجابية تعادل الطاقة السلبية الشريرة اللى مطلعها قميص جارك .. و يتخلق مجال من الكاروهات المتعادلة .. و تخرج منها محافظ على موود اليوم اخر تمام ولا يهمك اى حاجة
و من هنا احب اطمن كل الدناجل فى كل انحاء العالم : محدش يقدر يسلبك موودك العرضى الجميل مادام انت متمسك بدنجلتك و مركز فى اى هجوم طولى ممكن يقابلك فى حياتك
و أحذر و بشدة كل اصحاب العقول الطوليه الشريره : هاتروحوا من ربنا فين ؟!
يالا اسيبكوا بقى .. على امل اللقاء .. و ميعادنا المرة الجاية
و هاكون محضر انشاء الله موضوع تانى عن الشيبسى بالخل الايجابى الطيب فى مواجهة الشيبسى بالطماطم السلبى الشرير


Posted by S H E B A K at 6:15 PM 15 comments



Friday, March 17, 2006

هـــوفمان


اضغط على الصورة للتكبير
عندما شاهدت الفيلم العبقرى
Scent of a Woman
, لفت نظرى جدا ذلك الشاب المرتبك الحائر بين انقاذ اصدقائة و ضغط والده ليشى بهم و ينقذ نفسة , كان اداءة مقنع جدا خاصة فى جزء التحقيق الاخير عندما ادعى انه لم يستطيع ان يمييز المذنبين لانه لم يكن يرتدى نظارته , طريقتة فى الارتباك و السكوت لفترة ليفكر فى كذبته كانت مبهرة بالفعل

و لم اراه فى اى افلام اخرى حتى فيلم معجزة اخر و هو
magnolia
و رغم ان الفيلم كان مزدحم بالابطال الخارقين للعادة الا اننى اهتميت بمتابعة هذا الممثل الذى قام بدور ممرض طلب منه المريض الغنى ان يبحث عن ابنه , و كان المشهد المميز عندما يتصل الممرض بالمتجر ليطلب بعض المجلات الجنسية ليجد رقم تليفون الابن (الذى يعمل فى مجال توعية الرجال عن كيفية اغواء النساء ) , ولان حياء الممرض يمنعة من طلب المجلات مباشرة , فيطلب عيش و زبدة و اشياء اخرى ثم يطلب المجلات كأنه تذكرها فجأة , ف(تفأسه) عاملة المتجر و تقترح ان تلغى الاشياء الاخرى و يكتفى بالمجلات الجنسية .. فيرتبك للحظة و يلمس جبهته كانه يخفى عينية خجلا و يوافق


وكان المشهدين كافيين لصنع ممثل مفضل بالنسبة لى , و لابد من معرفة اسمة , و متابعته لمعرفة ان كان مبدع بالفعل ام كانت مجرد صدف

Philip Seymour Hoffman

.. اسمة معقد نوعا , فكان اسمة الحركى هو هوفمان
و بدات رحلة البحث عن افلام مثل بها هوفمان , و اكشفت انه مقل و غير مشهور بالقدر الكافى
Punch drunk loveو كل فترة كنت اراه فى احد الافلام المميزة مثل
Paul Thomas Anderson مع المخرج المصيبة
المقتنع تماما بموهبة هوفمان حتى انه اعطى له ادوار فى كل افلامة

Boogie Nights
Magnolia
Punch-Drunk Love
وكان يستطيع توظيفة فى دور مختلف فى كل مرة , و يبدو انهم اصدقاء بشكل ما

:لهوفمان عدة ادوار مميزة اخرى فى افلام مثل
The Talented Mr. Ripley
Along Came Polly
Red Dragon
Owning Mahowny
Cold Mountain
Almost Famous
The Big Lebowski
لابد انك شاهدته فى احدها


فاز هوفمان هذا العام بالاوسكار كأحسن ممثل ( الشئ الذى اسعدنى بشكل شخصى جدا)
و هو بطولته المطلقه و انتاجه Capote عن فيلمة الجديد
و بحسب رأى النقاد (فانا لم اشاهده بعد ) الفيلم جيد جدا

Capote is another full-house flush hand performance by Philip Seymour Hoffman." -- Emily Blunt, BLUNT REVIEW

Posted by S H E B A K at 4:13 PM 5 comments