Thursday, October 19, 2006

ربما يكون مغلقا

ROBAMA POSTER



ربما يكون مغلقا
فيلم للمخرج شريف زهيرى , فى اول اعماله
برغم من اختلاف اذواقنا فى تذوق السينما الا انى دائما كنت اجد شريف مجنون سينما من الطراز الاول , لكن فكرة انه يخرج فيلم كامل بنفسة كنت أراها مغامرة غير محسوبة و انه (هيطلع عينى فى المونتاج) , يمكن ده بسبب انه لم يشارك فى لوكيشن من قبل ... لكن اثناء المونتاج اكتشفت انه يملك هذة (الحاجة ) التى تصنع حالة للفيلم و وجهه نظر فى القصة التى كتبها , ليخرج الفيلم يشبهه و يشبة الافلام التى يحبها الى حد كبير ... الفيلم اكبر من المستوى المتوقع بكثير و شريف مخرج اكتسب خبرة كبيرة من المشاهدة و الملاحظة الدقيقة .. مبروك يا واد .. و يالا اللى بعدة بقى

سيناريو الفيلم للصديق (برضة) كريم قنديل و هو الاخر فى اول تجاربة ... برغم من ملاحظاتى على السيناريو من اول يوم و مطالبتى باسراع الايقاع او الاستفادة من الحدث الرئيسى الا ان كريم قرر ان يخلق الحالة التى كتبها شريف فى القصة ... و اعتقد ان ده نجاح فى حد ذاتة ان تلتزم بالمود اللى فى دماغك من اول السيناريو الى اخر المونتاج ... اذا كنت تعرف كريم جيدا سوف تجدة بشكل و اضح فى جمل الحوار

الفيلم من انتاج نرمين نزار التى تغامر لاول مرة بانتاج فيلم روائى قصير ... اسعدنى جدا انها كانت راضية جدا عن النتيجة النهائية ... و هى ايضا من تحمل كل اعباء شغلانة مدير الانتاج فى الفيلم
يشارك نرمين فى الانتاج ايضا أستوديو FIG LEAF studio (الاستوديو اللى لامم كل التكنيشنز اللى فى الفيلم ) ...

اما شارل عقل متعدد المواهب فهو يشارك فى الفيلم كمساعد مخرج و كاميرامان ... و عازف هارمونيكا !!! .... شارل و سمير نبيل يمثلان فرقة SOFA و هما من وضعا الموسيقى التصويرية للفيلم ... التى احدثت تغير ملحوظ فى موود الفيلم

مدير التصوير و الاضاءة المخضرم : إسلام كمال

الاداء التمثيلى فى الفيلم لـمحترفى التمثيل : ياسر عبد النعيم و فرح يوسف ...

المونتاج والTeaser و اعمال الجرافيكس و الذى منة : عماد ماهر ( احم ... العبد لله )




شاهد المدعو Teaser مع ملاحظة ان جودة الالوان و الصورة تعانى من ضغط مبرح حتى تناسب العرض على الشبكة العنكبوتية ... و لا تتوقع الحصول على الكثير من المعلومات



Posted by S H E B A K at 11:40 AM 14 comments