Wednesday, September 26, 2007

Les Triplettes de Belleville

دائما اجمل قصص الاطفال بتكون فرنساوى ... اتصفح كتاب اطفال فرنساوى و انت تحس انه مختلف عن اى كتاب اطفال تانى
الفرنسيين مميزين جدا فى رسومات الاطفال و التفاصيل و الالوان و الى جانب ده هما عفاريت افكار عيالى و خيال بسيط لحد العبقرية ..
بحس انك لو سبت طفل يقرا كتب اطفال فرنساوى بس هيطلع يا عبقرى يا مجنون من كم الافكار المطرقعة فى الكتب دى ...عندهم فن الحكى عالى جدا

Les Triplettes De Belleville فيلم كارتون فرنساوى انتاج 2003 اترشح لجائزتين اوسكار
الفيلم انا بعتبرة من اجمل افلام الكارتون اللى شوفتها فى حياتى ...

الكادر الواحد من الفيلم ممكن تثبتة و تقعد تتفرج على كم التفاصيل الانهائى و دى من الحاجات برضة اللى تميز الكارتون الفرنسى و اعتقد انهم كلهم يتبعوا مدرسة ايرجية رسام الكوميكس البلجيكى صاحب كوميكس تان تان الشهيرة

الالوان كمان عجيبة جدا .. اختيار الوان مناسبة جدا للمود اللى عايزين يوصلوه
و طبعا رسم الشخصيات سواء كتصميم و رسم او رسمهم فى الدراما .. كل شخصية عاملة ازاى و ايه لزماتها او إعقاتها مثلا

المزيكا كمان حلوة جدا و قائمة على الـ percussion او الايقاعات خاصة التى تعزف بالاشياء (تلاجة .. عجلة .. جرنال ... مكنسة كهربائية) :)

المهم .. انا استمتعت فعلا و ده اللى خلانى اكتب عنة حتى لو مقلتش كلام يتعدى الاعجاب الطفولى بالفيلم ..
لكن دى مجرد حجة بس عشان اقدملكم الاجزاء دى منه...







و بالمناسبة طبعا مش عايز انسى اشكر فريق عمل كارتون (سوبر هنيدى ) على المجهود الجبار اللى اتعمل فى رسم ال17 كادر بتوع كل حلقة


Labels:

Posted by S H E B A K at 12:39 PM 16 comments



Sunday, September 16, 2007

البيبسى كانز(ون) لا يفنى


مع ان كلمة( كان can) التى تطلق على المياة الغازية المعلبة هى كلمة بنت ناس ولا تحمل اى تلميحات جنسية
الا ان المواطن المصرى الحدق يصر بشدة على استخدام جمعها (cans كانز ) على انه مفرد بل و يتفتق ذهنة عن مسمى عبقرى يطلقة على الجمع من الكانز ...و هو (الكانزات) !!
كل ده مش مشكلة .. انا مش مضايق
لكن كله كوم و انى ادخل محل اطلب (كان بيبسى) و يبتسم البائع باستخفاف عشان مسك على غلطة لغوية و يقولى : كانزاية واحدة ؟!!
ده بقى كوم تانى !! ... لاحظ ان كلمة كان تم جمعاها ثم فردها تانى فى جزء من الثانية لتخرج لك كلمة كانزاية ضاربة عرض الحائط بحصص الانجليزى فى سنة تالتة ابتدائى تماما


Posted by S H E B A K at 10:51 AM 14 comments



Monday, September 03, 2007

How to Tell a Relationship Is Over



فيلم انجليزى قصير شاهدتة من حوالى سنة مثلا لكنة لازال مضحك بالنسبة لى جدا :)
الفيلم تم تصويرة فى مطبخ المخرج .. الكاميرا ثابتة ... تكلفة الفيلم بالكامل 15 جنية استرلينى
(يعنى استرلينى بعطفك و اغمرينى بحنانك...اذا بدك *)
الفيلم حاصل على جائزة فى مهرجان افلام قصيرة , اسم المهرجان هو اللى طريف بقى ... اسمة
Eat My Shorts!

_________________________________

* الملحوظة المقوسة (يعنى اللى فى الاقواس) من جمل العظيم زياد رحبانى .. فى برنامج العقل زينة

Labels:

Posted by S H E B A K at 5:06 PM 8 comments



Saturday, September 01, 2007

امانة يا بحر


امانة يا سما حاسبى على الاحباب
أحميهم يا سما دول فى البحور أغراب
أمانة يا هوا تكتب على الشراع:
اللقا اكيد من بعد الوداع


Posted by S H E B A K at 5:01 PM 2 comments