هو الزواج الذى يتم ترتيبة بعد قعدة تنظمها (بالصدفة) سيدتين فوق الخمسين لطرفين احدهما شاب فى التلاتين من عمرة محبوب من امة , محوش قرشين بعد شغل خمس سنين و يعانى من كبت جنسى و موعود بفك زنقتة و الطرف الاخر هى فتاه فى العشرين تعانى من كبت عاطفى , قد تتمتع بقدر من الجمال او لا, لكنها بالتأكيد لا تعرف شيئا عن اسس استخدام مساحيق التجميل و موعودة بالكثير من الحرية و الاحساس بالاهمية
يمكن لان فكرة السفر مسيطرة على اليومين دول ... عشان كدة الفيلم ده كان مضحك بالنسبالى جدا Goodbye to the Normals هو فيلم قصير من انتاج 2006 اترشح و حصل على مجموعة جوايز ... استخدمة روبي وليامز للدعاية لالبومة Rudebox فى مقابل استخدام المخرج لاغنية Burslem Normals مدة الفيلم 3 دقائق وهو متاح للمشاهدة على الانترنت ... شاهد نسخة الفيلم كاملة
منذ سنوات قليلة و تحديدا بعد ظهور تكنولوجيا و كاميرات ال HD (الهاى ديفينيشن ديجتال)و يحلم صناع السينما الشباب ان تتطور صناعة الديجتال سينما و تاخذ مكان السينما التقليدية بمعداتها الثقيلة الغالية , قبل ذلك كان العائق دائما ان الكاميرا الديجتال لاتزال تنتج صور اقرب الى الفيديو منها الى السينما و يجاهد بعض صناع الافلام للوصول الى صورة اقرب الى السينما باستخدام بعض الحيل و الالوان ... بينما تبنى البعض الديجتال كفن منفصل عن السينما و تقبلة بكل عيوبة و حدة صورتة ... لكن ظهور الHD بجودة صورة اعلى من ال DV داعب خيال السينمائين بفكرة اندثار السينما التقليدية و سطوع نجم الديجتال و بالطبع حصول كوادرة على فرص اقيم فى الافلام التجارية ... الا ان كاميرا السينما ظلت تتربع على عرش الصورة المقبولة تجاريا ...
الى ان تم انتاج هذة التحفة ... كاميرا RED ONE أو RED DIGITAL CINEMA كاميرا حاجة كدة عفريت باين .... الكاميرا توفر خمس اضعاف جودة الصورة الممكن الحصول عليها من الكاميرا الHD الى جانب نفس عمق الصورة Depth of Field المتوفرة فى كاميرة السينما ... للعلم يعنى دى الارقام بالتحديد : 12M pixels at up to 60fps and record 12 bit native RAW
يعنى سينما من الاخر ... بنفس سلاسة الديجتال فى الاستخدام و خفة الوزن هــــنا هتلاقى صور و فيديوهات تم تصويرها بالكاميرا ... انا فعلا مستغرب من الكواليتى
المخرج ستيفن سودربرج مخرج oceans 11-12-13 متحمس جدا للكاميرا حتى انه فى تصريح له اكد اعجابة الشديد بيها لدرجة انه ناوى يستخدمها فى تصوير اتنين من افلامة المقبلة ... بالمناسبة ستيفن مش بس مخرج عبقرى له ايقاع خاص به جدا ... هو ايضا سينماتوجرافر جيد جدا ... هو يصور بنفسة افلامة ... يمسك الكاميرا و يصور و يخرج فى نفس الوقت .. لو شاهدت الميكنج بتاع oceans 13 مثلا سوف تندهش من الفراغ العجيب فى لوكيشن فيلم من اكبر افلام هوليود .. المخرج بالكاميرا و الممثلين !!! اعتقد من وجهه نظرى ان التصريح دة هو اول خطوة فى اتجاه هذة الكاميرا لسوق الافلام التجارية ..و بالتالى دخول الديجتال بشكل اكثر من مجرد محاولات فردية
بالصدفة لقيت الفيديو فى بيانولا (شكرا يا جماعة اوى) .. دى اغنية من البوم العقارب scorpions الجديد Humanity - Hour 1 بعد غياب 3 سنين ... انا كنت من مجانين الباند ده جدا بس يمكن انا دلوقتى مبقتش سميع هارد روك اوى ...مسمعتش الالبوم كويس لسه عشان كدة مش هقدر احكم علية لكن الاغنية دى متميزة فعل و صوت عم كلوس ملعلع مع انه عجز بس لسة جامد
Will Ferrell ممثل كوميدى لة اسلوب خاص جدا , اول مرة اشاهدة كان فى الفيلم العجيب Anchorman و كان اداة عجيب فعلا .. خليط من الافتعال و البرود يجعلك تضحك من فرط (الغلاسة) :) تبع هذا الفيلم المسخرة فيلم اخر اكثر حظا فى الدعاية و هو Stranger Than Fiction و هو فيلم مثير للاهتمام جدا (لازم يتشاف) و يتألق فيه اداء فيريل جدا ... مع تحفظى على بعض اشياء فى السيناريو الا ان الفيلم جيد
بالرغم من ان فيريل بدأ ياخذ حقة فى الشهرة الى حد ما (فهو من جيل جيم كارى تقريبا) الا انه يهوى اللعب فى افلام قصيرة كوميدية مصنوعة باقل تكاليف ممكنة لن تشاهدها الا على الانترنت