Saturday, May 27, 2006

أجازة قصيرة

Posted by S H E B A K at 2:50 PM 9 comments



Wednesday, May 24, 2006

*نشكر الله عنا بيانو


بناء على سؤال العزيزة غاده هانم سامحونى

دى شويه حاجات ممكن تخلينى مبسوط :


- مشاهدة Forrest Gump او you've got mail أو The Shawshank Redemption للمرة ال 456655

- مشاركه صديق غناء اغنية جيدة بصوت عال فى الشارع

- قطعة مونتاج ملعوبة فى فيلم (سواء اشاهدها او انفذها )

- ابتسامة طفل لما اغلس عليه.. و يمشى رأيه ..و يحس بالانتصار

- أفتكاس النظريات و التحليلات التى لا تمت للواقع بصلة و اقناع الاخرون بها .. و الدخول فى جدال حولها مع اننا عرفين انها (كلام فاضى )


- اكله متوحشه مع الاصدقاء متبوعة بقزازة بيبسى .. ثم حاله من الغباوة المفرطة

- لما اقنع حد بان برج الجوزاء جامد و كل مواليده من العباقرة .. زيى كده

- رائحه المطبوعات الورقية و رائحه يود البحر

- لما اقضى يوم مع نفسى و اتوقع انه هايكون بايخ و يطلع جامد

- حفلة مزيكا جاز لايف

- اللون البرتقالى

- التى شيرتات المخططه بالعرض

- البن المحترم .. الجبنة المحترمة .. الشيكولاتة المحترمة

- لما يختارنى صديق عشان يحكيلى على مشكله و اكون مفيد

- نكته منزلية كانت على لسان ابويا و خطفتها منه

- تذكر ابتسامتها .. خجلها .. التماسها الاعذار لاخطائى .. رغم مرور سنة و ثلاثة اشهر

- محاولات اظهار الامتنان من معاق ذهنيا ساعدته بشكل ما

- الاستماع لألبوم مزيكا كنت بحبة زمان و كان ضايع

- البلوج و البلوجرز و ديزاين البلوجات و التعليقات الظريفة .. و شباك

- تجميع البنى ادمين دول فى سهرة واحدة : جمالون , طلعت المصرى , جيفارا , بيانيست , سولو , زرياب , the great pretender, Ram Rocky , جار القمر .. و أخرون
(مع انه ماحصلش قبل كده بس اعتقد هايكون جامد)

اللى فيهم ما جاوبش على الاسئله دى يتفضل يجاوب

*العنوان من اغنيه لزياد

Posted by S H E B A K at 12:37 PM 6 comments



Monday, May 22, 2006

نحلم سوا

Posted by S H E B A K at 3:06 PM 6 comments



Thursday, May 18, 2006

شباك طلع برج الثور ..ده كويس ده ؟




اكتشفت من كام يوم ان كده مرت سنة كامله على اول بوست اكتبه فى الشباك .. و ده يعتبر عيد ميلاد شباك الاول ... الشخصية الهايفة اللى بدقن دى اللى صاحبتنى فى المدونة دى و مدونات اخرى .. بعض الاصدقاء بيقولو انه يشبهنى كتير شكلا و موضوعا .. انا مش متأكد من ده .. لكن فى كل الاحوال هو مش قناع .. هو ممكن يكون الشخصية الافتراضية المرحة بتاعتى
من اول يوم فى موضوع التدوين ده و انا بحاول اوضح انى مش شخص ممكن يكتب اوى و ده عشان اسلوبى الركيك و الغلطات الإملائية البشعة (مش بعرف اصلا الفرق بين التاء و الهاء المربوطة .. حاجة نيلة :-S ) .. لكن و بسبب الاستاذ شباك افندى ساعات كنت بتكلم و باخد راحتى على الاخر ..و اللى يعرفونى يعرفوا انى كده اتكلمت كتير بالنسبة لشخصيتى الحقيقية الصموتة لحد الملل
بس .. فا قررت احتفل بعيد ميلاد المحروس .. و رغم هايفة الفكرة الا انى شايف انها مناسبة للشخصية دى .. و لسبب تانى : ان سنة التدوين دى كانت فعلا جديرة بالملاحظة .. لما بسترجعها كده بلاقى انها كانت فعلا مليانه بالاحداث و الشخصيات المثيرة
عندك مثلا اليوم الاسطورى اللى قابلت فيه مجموعة المدونين السكندرين (اللى بقوا اصدقاء بعد كده ) لاول مرة و توصلنا فيه للحقيقة المطلقه ..كانت حاجة تفرح انك تلاقى كم المطرقعين دول فى اسكندرية ..و بعد كده توالى التعارف على شخصيات جامده بعتز بيهم فعلا

وكان من اجمل الحاجات اللى حصلت الكلام عن السيما (و قريبا الروك).. و مدونه كيس فشار اللى هحاول اتفرغلها شوية الفتره اللى جايه ...

وشوية ديزاينات البلوجات :-)

برضة الاعتراف بالجزء المدنجل فى شخصيتى كان شئ كويس.. يمكن عشان اقدر اواجه العالم من غير كسوف بقى .. ايوه انا مدنجل حد عنده مانع P-:



Posted by S H E B A K at 3:16 PM 27 comments



!إنتهاك؟؟.. أنت هيك




يحكى عن ذكرياتة مع والدة ووالدتة و بدايته مع الموسيقى ... يغنى .. يقول رأيه فى الكاتشاب و بنك حديقة الصنايع ... و يحكى عن كوارثة و اختلافة الدائم مع فيروز .. أشياء أخرى

بالصدفة وصلت لكنز من الاغانى و البرامج الصوتية و الحوارات الاذاعية للعبقرى زياد رحبانى ... أنقر هنا

بص كده زياد ممكن يعرف السطل ازاى بفزلكته المعتاده: التسطيله هى المنحى المعين اللى بتتخذة أطباع الانسانية بالتوجه نحو السطل
:-)


Posted by S H E B A K at 11:36 AM 9 comments