Monday, October 31, 2005

زهايمر

.
.

ان تنسى ..و انا هنا لا أقصد نسيان سلسلة مفاتيحك فى الباب من الداخل أو نسيان البند الاخير فى قائمه المشتروات المنزلية.. لكننى اقصد ان تنسى فترات كاملة من حياتك بكل ما فيها من حلو و مر و لا تعلق بذاكرتك تماما كما لو انها لم تحدث لك بينما يتذكر الاخرون كل التفاصيل التى حدثت بما فيها ما فعلته او قلته انت شخصيا ... فهذا يثير عجبى
يبهرنى كثيرا احد اصدقائى بقدرته على التذكر .. فبينما تسقط من ذاكرتى احداث رئيسية من حياتى اجده هو يتذكر اشخاص قابلهم فى الترام مرتين متتاليتن منذ خمس سنوات و يعجب للصدفة التى جمعته بهم ثانيا فى احد قهاوى الكورنيش .. بينما اعجب انا لشئ أخر
الربع قرن الاول من حياتى لا يشغل اكثر من10/1 من السعة التخزينة المخصصة للذكريات لدى , و هذا قد يفرحنى قليلا فانا امتلك free space فى الذاكرة يحسدنى عليه الكثيرا من ابناء جيلى , خاصا عندما نجلس فى سهرة نتكلم عن السنين الماضية تجدنى اول من يفرغ من قص بعض المشاهد المرتبه بشكل يؤكد حرفية المونتاج لدى لأجلس باقى الليله مستمتعا بذكريات الاخرين ... مصحوبا بنفس العجب
على حد ذاكرتى فانا لم اولد ضعيف الذاكرة و لكنه شئ حدث بالتمرين , فقد تدربت لسنوات على اسقاط فترات كامله من ذاكرتى حتى اصبحت عادة, لكننى لا اتذكر لماذا بالتحديد بدأت هذا التمرين...العجيب
يتطور الامر احيانا ليصل الى اننى اجد نفسى شارد البال فى منتصف مطبخ منزلنا و لا ادرى ما الذى اتى بى الى هنا فى هذه الساعة المتأخرة من الليل , او نسيان الكلمات التى كنت سأكتبها كتدوينه فى ال..... هو أسمه ايييييه ؟؟؟؟؟ .... عجبى


Posted by S H E B A K at 10:08 PM 15 comments



Monday, October 24, 2005

دخلت أعمل شاى

أللا شعور الباطن الجوانى
عمل خناقه مع الأنا الوسطانى
صحوا الأنا الأعلى من النوم جانى
قال فضها سيرة و سكتهم
طيب واحل المشكلة دى إزاى
!دخلت أعمل شاى

فؤاد قاعود

Posted by S H E B A K at 12:31 PM 9 comments



Thursday, October 20, 2005

......

Posted by S H E B A K at 2:41 PM 2 comments



Monday, October 10, 2005

جزمه حريمى

.


جزمه حريمى بلوج جديد متميز لتلاته مدونين جامدين جدا
جيفارا - سولو - بيانيست
انا اعتبرة بلوج تعب اعصاب و المفروض يكتبوا تحذير ان يمتنع اصحاب القلوب الضعيفه عن القراءة

على العموم عاجبنى ... مبروك ياشباب
بس الست اللى فى الصوره دى بتطالب بجزمتها و مش هاتسيبكوا بقى

Posted by S H E B A K at 2:21 PM 4 comments



Sunday, October 02, 2005

الفيلم تانى

مش عارف ايه المشكله فى المكان اللى عملت أبلوود فيه.. بس من الواضح ان اللينك ماشتغلتش مع كل الناس
و تتطوع الشخص الظريف
محمد سمير صاحب الفوولاب العجيب
باستضافة الفيلم عندة لمده أسبوعين على
اللينك ده
ftp://foolab.org/pub/spending_20_min.wmv
شكرا يا فندم ..و احب أسمع رأيك فى الفيلم


من فضلكم اللى ينزل الفيلم يقولى رأيه .. عشان ده السبب انى حطيته اونلاين

Posted by S H E B A K at 9:59 AM 10 comments